జగిత్యాల, 2026-08-10
భారతదేశ ప్రధానమంత్రి శ్రీ నరేంద్ర మోదీ పిలుపు మేరకు భారతీయ జనతా పార్టీ దేశవ్యాప్తంగా నిర్వహిస్తున్న హర్ ఘర్ తిరంగా కార్యక్రమంలో భాగంగా బీజేపీ ఎస్సీ మోర్చా జగిత్యాల జిల్లా అధ్యక్షులు నారపాక అశోక్ గారు తమ కుటుంబ సభ్యులతో కలిసి ఇంటిపై జాతీయ జెండాను ఎగురవేసి జెండా వందనం నిర్వహించారు.
భారతదేశ ప్రధానమంత్రి శ్రీ నరేంద్ర మోదీ పిలుపు మేరకు భారతీయ జనతా పార్టీ దేశవ్యాప్తంగా నిర్వహిస్తున్న హర్ ఘర్ తిరంగా కార్యక్రమంలో భాగంగా బీజేపీ ఎస్సీ మోర్చా జగిత్యాల జిల్లా అధ్యక్షులు నారపాక అశోక్ గారు తమ కుటుంబ సభ్యులతో కలిసి ఇంటిపై జాతీయ జెండాను ఎగురవేసి జెండా వందనం నిర్వహించారు.
ఈ సందర్భంగా నారపాక అశోక్ గారు మాట్లాడుతూ, దేశమంతా ఒకటే పండుగ.. ప్రతి ఇంటిపై ఎగరాలి మువ్వన్నెల జెండా నిండుగా అనే స్ఫూర్తితో ప్రతి భారతీయుడు హర్ ఘర్ తిరంగా కార్యక్రమంలో భాగస్వామి కావాలని పిలుపునిచ్చారు. ఆగష్టు 10వ తేదీ నుంచి ఆగస్టు 15వ తేదీ వరకు ప్రతి ఇంటిపై మన జాతీయ పతాకమైన మువ్వన్నెల జెండాను గర్వంగా ఎగురవేసి దేశభక్తిని చాటుకోవాలని ఆయన కోరారు.
మన జాతీయ జెండా కేవలం ఒక వస్త్రం కాదని, అది భారతదేశ సార్వభౌమత్వానికి, స్వాతంత్ర్యానికి, త్యాగాలకు, జాతీయ గౌరవానికి ప్రతీక అని అన్నారు. కాషాయ రంగు ధైర్యం, త్యాగానికి, తెలుపు శాంతి, సత్యానికి, ఆకుపచ్చ అభివృద్ధి, శ్రేయస్సుకు ప్రతీకలుగా నిలుస్తాయని, మధ్యలోని అశోక చక్రం ధర్మం, న్యాయం, నిరంతర ప్రగతి, కర్తవ్యనిష్ఠకు ప్రతీక అని పేర్కొన్నారు.
ఎందరో స్వాతంత్ర్య సమరయోధులు తమ ప్రాణాలను సైతం లెక్కచేయకుండా పోరాడి మనకు స్వేచ్ఛా భారతాన్ని అందించారని, వారి త్యాగాలను స్మరించుకోవడం ప్రతి భారతీయుడి బాధ్యత అని నారపాక అశోక్ అన్నారు. మన ఇంటిపై జాతీయ జెండాను ఎగురవేయడం అంటే కేవలం ఒక కార్యక్రమంలో పాల్గొనడం కాదు.. మన దేశంపై ఉన్న ప్రేమను, గౌరవాన్ని, బాధ్యతను ప్రపంచానికి చాటిచెప్పడం అని అన్నారు.
ప్రతి కుటుంబం తమ ఇంటిపై మువ్వన్నెల జెండాను ఎగురవేయడంతో పాటు తమ బంధువులు, స్నేహితులు, ఇరుగుపొరుగు వారిని కూడా హర్ ఘర్ తిరంగా కార్యక్రమంలో భాగస్వాములను చేయాలని పిలుపునిచ్చారు. జాతి, మతం, ప్రాంతం, భాషలకు అతీతంగా భారతీయులందరినీ ఒక్కతాటిపైకి తీసుకువచ్చే శక్తి మన జాతీయ జెండాకు ఉందని, మువ్వన్నెల జెండా సాక్షిగా మన ఐక్యతను, దేశభక్తిని ఎలుగెత్తి చాటుదామని అన్నారు.
ఒక జెండా.. ఒక దేశం.. ఒక భావన.. భారతదేశం అనే స్ఫూర్తితో ప్రతి భారతీయుడు దేశ ప్రగతిలో తన వంతు బాధ్యతను నిర్వర్తించాలని నారపాక అశోక్ కోరారు. ఈ సందర్భంగా ప్రతి ఇంటిపై మువ్వన్నెల జెండా రెపరెపలాడాలని, ప్రతి హృదయంలో భారతమాతపై గౌరవం, దేశభక్తి, జాతీయ ఐక్యత నిండాలని ఆకాంక్షించారు.
