Meeting అపజయమే విజయానికి మార్గం

విద్యార్థులు ఆత్మ స్థైర్యాన్ని కోల్పోవద్దు— బంజారా ఉద్యోగుల సంఘం జిల్లా అధ్యక్షులు దశరథ్ నాయక్మిర్యాలగూడ డివిజన్ జూలై 26 తెలంగాణ ఎక్స్ ప్రెస్: అపజయమే విజయానికి మార్గమని విద్యార్థులు మానసిక స్థైర్యాన్ని కోల్పోవద్దని బంజార ఉద్యోగుల సంఘం నల్గొండ జిల్లా అధ్యక్షులు మాలోత్ దశరథ్ నాయక్ సూచించారు. కంప్యూటర్ ఇంజనీరింగ్ లో ర్యాంక్ సాధించిన దనవత్ కార్తీక్ ఆత్మహత్య విషయమై బుధవారం విలేఖర్లతో మాట్లాడుతూ పరీక్షల్లో ఫెయిల్ అయ్యామని ఆత్మహత్యలకు పాల్పడడం సరైంది కాదన్నారు.బల్బ్ కనుగొన్న థమాస్ ఆల్వా ఎడిసన్ ఆ ప్రయత్నంలో వేయి సార్లు విఫలం అయ్యాడని అలా అని తయారని ఆపేస్తే మనకు బల్బ్ కనిపెట్టక పోయేదన్నరు.అపజయం ఆత్మహత్యలకు పరిష్కారం కాదని, ఆత్మ స్థైర్యంతో ముందుకు వెళ్ళి సాధించుకోవాలని సూచించారు. అపజయాల నుండీ గుణపాఠం నేర్చుకొని విజయం వైపు దృష్టి సారించాలని కోరారు. యువతకు మంచి భవిష్యత్ ఉందని కష్టపడి చదవి తల్లిదండ్రులకు మంచి పేరు తీసుకురావాలని ఆత్మహత్యలతో కడుపుకోత మిగల్చవద్దని సూచించారు. అవసరమైతే యువతకు అవగాహన కార్యక్రమాలు నిర్వహించి విజయమార్గాలు సూచిస్తామన్నారు.