79
మంచిర్యాల, ఫిబ్రవరి 20, (తెలంగాణ ఎక్స్ ప్రెస్): మంచిర్యాల జిల్లా మందమర్రి మండలం బొక్కల గుట్ట వద్ద నిర్వహించే గాంధారి మైసమ్మ జాతర కరపత్రాలను, ఆదివాసి నాయకపోడు సేవా సంఘం ఆధ్వర్యంలో ఆ సంఘం మంచిర్యాల జిల్లా ఉపాధ్యక్షుడు భూమేష్ ఆవిష్కరించారు. మంచిర్యాల జిల్లా జన్నారం మండల ప్రెస్ క్లబ్ లో విలేకరుల సమావేశం ఏర్పాటు చేశారు. ఈ సందర్భంగా మాట్లాడుతూ ఈనెల 23, 24, 25 లలో గాంధారి మైసమ్మ జాతర నిర్వహించడం జరుగుతుందని తెలిపారు. మందమర్రి మండలం బొక్కలగుట్ట సమీపంలో గాంధారి మైసమ్మ జాతరకు అధిక సంఖ్యలో భక్తులు తరలివచ్చి జయప్రదం చేయాలని కోరారు. ఈ కార్యక్రమంలో నాయక పోడు యూత్ అధ్యక్షుడు ఆసునూరి ప్రభాకర్ తిమ్మాపూర్, నాయకులు సాదు, చిన్నయ్య, పిట్టల రాజన్న, తట్ర రమేష్, పిట్టల భూమేష్, ఆసునూరి ఎంగయ్య, తదితరులు పాల్గొన్నారు.
