Latest

తెలంగాణ ఎక్స్ ప్రెస్
భైంసా జూలై 22
భైంసా: జాతీయ రహదారుల నిర్మాణానికి నిధులు ఇవ్వాలని కేంద్ర మంత్రి నితిన్ గడ్కరిని అప్పట్లో ఎమ్మెల్యే పి రామరావ్ పటేల్ తో పాటు, జిల్లాకు చెందిన బిజెపి ఎమ్మెల్యేలు, ఎంపి ఢిల్లీలో కలిశారు. అయితే నిర్మల్ – భైంసా నాలుగు లైన్లు జాతీయ రహదారి విస్తరణ పనులకు కేంద్ర ప్రభుత్వం గ్రీన్ సిగ్నల్ ఇచ్చింది.రాష్ట్రంలో నాలుగు వరుసల జాతీయ రహదారి రోడ్ల నిర్మాణానికి 15 రోడ్లకు 33 వేల 690కోట్ల వ్యయం అవుతుందని ప్రాధమికంగా అధికారులు అంచనా వేశారు.నిర్మల్ -భైంసా వైపు వెళ్లేవారికి ప్రయాణం సులువుగా మారడమే కాకుండా ప్రమాదాల సంఖ్య కూడా తగ్గే ఛాన్స్ పాటు ట్రాఫిక్ సమస్యలు తీరనున్నాయి.ఈ సందర్భంగా ఎమ్మెల్యే పి రామరావ్ పటేల్ కేంద్ర ప్రభుత్వానికి,మంత్రి నితిన్ గడ్కరికి కృతజ్ఞతలు తెలిపారు.

నాలుగు మండలాల్లో 300 మందికి లక్ష చెక్కుల పంపిణీ చేసిన

• మక్తల్ ఎమ్మెల్యే చిట్టెం రామ్మోహన్ రెడ్డి

మక్తల్. ఆగస్టు .11:- (తెలంగాణ ఎక్స్ ప్రెస్) :- పట్టణ కేంద్రం ఎంపీడీవో కార్యాలయంలో మక్తల్. నర్వ.కృష్ణ.మాగనూరు.మండలాలకు చెందిన లబ్ధిదారులకు మొదటి విడతగా 300 మందికి బీసీ బందు కుల వృత్తులకు లక్ష రూపాయల చెక్కులను పంపిణీ చేసిన మక్తల్ ఎమ్మెల్యే చిట్టెం రామ్మోహన్ రెడ్డి . ఈ సందర్భంగా ఎమ్మెల్యే మాట్లాడుతూ బీసీ జాబితాలో ఆర్థికంగా వెనుకబడిన కులాల ఆర్థిక అభివృద్ధి లక్ష్యంగా సీఎం కేసీఆర్ బి ఆర్ఎస్ ప్రభుత్వం పనిచేస్తుందని అన్నారు ఈ కార్యక్రమంలో జడ్పీ చైర్మన్ వనజ .ప్రజ ప్రతినిధులు తదితరులు పాల్గొన్నారు

మంచిర్యాల, ఆగస్టు 02, గతెలంగాణ ఎక్స్ ప్రెస్): మంచిర్యాల జిల్లా జన్నారం మండలం చింతలపల్లె గ్రామంలో మండల పశు వైద్యం పశు సంవర్ధక శాఖ అధికారి డాక్టర్ కస్తూరి శ్రీకాంత్ ఆధ్వర్యంలో పశువులకు ఉచిత వైద్య శిబిరం నిర్వహించారు. సోమవారం మండలంలోని చింతల పల్లె గ్రామ పంచాయితీ లో ఆవులు, గేదెలు, దూడలకు ఉచితంగా నట్టల నివారణ మందులు, గాలి కుంటు టీకాలు, ముద్ద చర్మ వ్యాధి నివారణ టీకాలు వైద్య శిబిరం నిర్వహించి, అన్ని పశువులలో అందించడం జరిగింది. ఈ సందర్భంగా మాట్లాడుతూ వర్షాకాలంలో వ్యాధులు వచ్చే అవకాశం ఎక్కువ ఉన్నందున ముందస్తుగా అన్ని గ్రామాల్లో పశు సంవర్ధక శాఖ ద్వారా ఉచిత పశు వైద్య శిబిరాలు నిర్వహించడం జరుగుతుందన్నారు. ఈ అవకాశాన్ని గ్రామంలోని పశువులను పెంచుకునే వారు ఉచిత వైద్య శిబిరాన్ని సద్వినియోగం చేసుకోవాలన్నారు. అత్యవసర సమయంలో పశువులకు వ్యాధి చోకిన, ప్రమాదం జరిగిన కూడా వైద్య అధికారికి ఫోన్ చేయగా అందుబాటులో ఉంటామన్నారు. ఈ కార్యక్రమంలో చింతలపల్లి సర్పంచ్ గారు, ఎంపీటీసీ రాజన్న, మండల పశు వైద్య పశు సంవర్ధక శాఖ అసిస్టెంట్ శిరీష, సిబ్బంది రెహమాన్, కిషన్, సంజీవ్, సాగర్, వినోద్, ఆదిత్య, గోపాల మిత్ర లు రాజన్న, రమేష్, తదితరులు పాల్గోన్నారు.

మంచిర్యాల, జులై 27, (తెలంగాణ ఎక్స్ ప్రెస్): నిర్మల్ జిల్లా కడెం మండలంలోని నారాయణరెడ్డి ప్రాజెక్టు ఎడతెరిపిలేని వానల వల్ల పై నుండి వరద తాకిడి ఎక్కువ కావడంతో కడెం ప్రమాద స్థాయిలో చేరుకుంది. గురువారం ఉదయం నుండి కడెం గేట్ల ఆయకట్టు పై నుండి నీరు అతివేగంతో ప్రవహిస్తుంది. దీంతో కడెం ప్రాజెక్టు ప్రమాద స్థాయిలో ఉన్నట్లు అధికారులు తెలుపుతున్నారు. కడెం ప్రాజెక్టు పూర్తి సామర్థ్యం 3.50 లక్షల క్యూసెక్కుల ప్రస్తుతం 4 లక్షల క్యూసెక్కుల నీరు కడెం డ్యామ్ లో నిలువ ఉన్నది. కడెం ప్రాజెక్టుకు పూర్తి 18 గేట్లు ఉండగా 14 గేట్ల ద్వారా నీటిని దిగువకు వదులుతున్నారు. కడెం ప్రాజెక్టు నాలుగు గేట్లు మొరాయించడం జరుగుతుందని వాటి ద్వారా పూర్తి నీరు బయట వదిలేలా చూస్తామని ప్రాజెక్ట్ ఇంజనీర్లు తెలిపారు. కడెం ప్రాజెక్టు ద్వారా దివగువకు నీరు వదలగా నది పరివాహక ప్రాంతాలు జనాలను సురక్షిత ప్రాంతాలకు మండల అధికారులు తరలించడం జరుగుతుంది. దీంతో మంచిర్యాల జిల్లా జన్నారం మండలంలోని నది పరివాహ ప్రాంతాలైన కలమడుగు, ధర్మారం, బాదం పెళ్లి, చింతగూడ, తపాలాపూర్, రోటి గూడ, తిమ్మాపూర్, గ్రామాల జనాలను ఆ గ్రామ కార్యదర్శులు సర్పంచులు ప్రాంతాలకు తరలించే ప్రయత్నంలో ఉన్నారు. ఈ సందర్భంగా ఖానాపూర్ నియోజకవర్గ ఎమ్మెల్యే అజ్మీర రేఖ నాయక్ మాట్లాడుతూ ఎగువ నుండి నీరు కడెం ప్రాజెక్టులోకి వరద రావడం వలన దిగువకు 18 గేట్ల ద్వారా నీటిని వదలడం జరుగుతుందని, నది పరివాహక ప్రాంతాల ప్రజలు సురక్షిత ప్రాంతాలకు తరలించడంలో స్థానిక నాయకులు కార్యకర్తలు సహకరించాలని ఆమె కోరారు. ప్రస్తుతం ఎమ్మెల్యే కడెం ప్రాజెక్టు వద్ద ఉండి పూర్తి వివరాలు ప్రజా ప్రతినిధులకు, అధికారులకు తెలియ పరచడం జరుగుతుంది.