తాజా వార్తలు

–  సరస్వతీమాతను దూషించిన వారిని  చట్టపరంగా శిక్షించాలి.

– హిందూ ఐక్యవేదిక కన్వీనర్ డాక్టర్  రాంబాబు.

నారాయణపేట జిల్లా, ప్రతినిధి, జనవరి 28 (తెలంగాణ ఎక్స్ ప్రెస్):
గణతంత్ర  దినోత్సవ వేడుకల  రోజున నారాయణపేట జిల్లా మద్దూరు లో సరస్వతి మాతను దూషించిన వారిని చట్టపరంగా శిక్షించాలని హిందూ ఐక్యవేదిక కన్వీనర్ డాక్టర్ రాంబాబు విజ్ఞప్తి చేశారు. చదువుకున్న  ప్రతి ఒక్కరు సరస్వతి మాతను చదువుల తల్లిగా భావించి పూజిస్తారని అలాంటి సరస్వతి మాతను కించపరుస్తూ ,  పాఠశాల ప్రధానోపాధ్యాయుడిని పరుశ పదజాలంతో దూషించిన వ్యక్తులను చట్టపరంగా శిక్షించాలని హిందూ ఐక్యవేదిక కన్వీనర్ డాక్టర్ రాంబాబు అన్నారు ,మద్దూర్ లో జరిగిన సంఘటనను నిరసిస్తూ నిందితులను కఠినంగా శిక్షించాలని కోరుతూ బజరంగ్దళ్ , విశ్వహిందూ పరిషత్, దుర్గా వాహిని  హిందూ ఐక్యవేదిక కార్యకర్తలు నారాయణపేట పోలీస్ స్టేషన్లో  ఎస్ఐ కి వినతి పత్రాన్ని అందజేశారు. ఈ కార్యక్రమంలో విశ్వహిందూ పరిషత్ నగర కార్యదర్శి ప్రవీణ్ కడుదాస్, ఉపాధ్యక్షులు కన్న శివకుమార్ గౌరవ అధ్యక్షులు  క్యాతన్ రఘు, నగర సంఘ్ చాలక్  మదన్ మోహన్ రెడ్డి ,బజరంగ్దళ్ అధ్యక్షులు శ్రవణ్,నీరటి వెంకటేష్, ఆకాష్,  వీరేష్,నితీష్, జంగం శేఖర్ ,అనిల్ రెడ్డి , మల్లేష్, ఆంజనేయులు,దుర్గా వాహిని సభ్యులు సుర, తదితరులు పాల్గొన్నారు.

– సిఐ శివ శంకర్

– 11.40 క్వింటాళ్ల బెల్లం విలువ లక్ష పద్నాలుగు వేలు.

– బొలెరో వాహనం సీజ్, ముగ్గురు వ్యక్తులపై కేసు నమోదు.

నారాయణపేట జిల్లా, ప్రతినిధి, జనవరి 28 (తెలంగాణ ఎక్స్ ప్రెస్):
వాహనాల తనిఖీల్లో 11.40 క్వింటాళ్ల నల్ల బెల్లం పట్టుకోవడం జరిగిందని సీఐ శివశంకర్, ఎస్ఐ వెంకటేశ్వర్లు తెలిపారు. అధికారులు తెలిపిన వివరాల ప్రకారం సోమవారం  అర్ధరాత్రి సమయంలో నారాయణపేట జిల్లా కేంద్రంలో ఎస్సై వెంకటేశ్వర్లు, పోలీస్ సిబ్బంది వాహనాల తనిఖీలు నిర్వహిస్తున్న సమయంలో  గుర్మిత్కల్ నుండి మహబూబ్నగర్ వెళ్తున్న బొలెరో వాహనాన్ని ఆపి తనిఖీ చేయగా అందులో నల్ల బెల్లం ఉన్నట్టు గుర్తించి విచారించగా  కిరణ్, రాజు అనే వ్యక్తులు గుర్మిత్కాల్లోని హనుమాన్ నాయక్ అనే వ్యక్తి వద్ద బెల్లం కొనుగోలు చేసి మహబూబ్నగర్ తీసుకెళ్తున్నామని తెలిపారు. అట్టి నల్ల బెల్లం 38 బ్యాగ్ లు, 11.40 క్వింటాళ్ల ఉండగా వాటి  విలువ 1,14,000/- రూపాయలు ఉంటుందని నల్ల బెల్లాన్ని  అక్రమంగా తరలిస్తున్న బొలెరో వాహన డ్రైవర్ కిరణ్ పట్టుకొగా రాజు పారిపోయాడని తెలిపారు. అట్టి వాహనాన్ని సీజ్ చేసి బెల్లం అమ్మిన వ్యక్తి హనుమాన్ నాయక్  కిరణ్, రాజు ల పై కేసు నమోదు చేసి దర్యాప్తు చేస్తున్నామని సిఐ శివ శంకర్, ఎస్సై వెంకటేశ్వర్లు తెలిపారు.

–ఎమ్మెల్యే రామారావు పటేల్

ముధోల్:27జనవరి(తెలంగాణ ఎక్స్ ప్రెస్)
నియోజకవర్గ కేంద్రమైన ముధోల్ లో ని ఆయా మండలాల రహదారుల ని ర్మాణానికి పంచాయతీరాజ్ శాఖ నుం డి నిధులు మంజూరైనట్లు ఎమ్మెల్యే పవార్ రామారావు పటేల్ తెలిపారు. సోమవారం ఏర్పాటు చేసిన విలేకరు ల సమావేశంలో ఆయన మాట్లాడా రు.ముధోల్ నియోజకవర్గంలోని కుం టాల మండలంలోని కుంటాల నుండి దౌనెల్లి వరకు రూ. కోటి 90 లక్షలు, తానూర్ మండలంలోని కోలుర్ మీదు గా మహారాష్ట్ర బాడర్ వరకురూ.ఐదు కోట్ల 90 లక్షల నిధు లు మంజూరైన ట్లు ఆయన పేర్కొన్నారు.ఈ సందర్భం గా ఎమ్మెల్యే మాట్లాడుతూ నియోజక వర్గ అభివృద్ధికి ఎల్లవేళలా అందుబా టులో ఉండి కృషి చేస్తానని తెలిపారు. నిధులు మంజూ రుకు కృషిచేసిన పం చాయతీ రాజ్ శాఖ మంత్రి సీతక్క, సీఎం రేవంత్ రెడ్డికి ప్రత్యేక కృతజ్ఞ తలు తెలిపారు

తెలంగాణ ఎక్స్ ప్రెస్ 27/01/25
నిరుపేద విద్యార్థులకు ఉచిత వ్యక్తిత్వ వికాస శిక్షణా కార్యక్రమాలు అందిస్తూ, సమాజ సేవలో తనదైన ముద్ర వేసిన ఆనందితా ఫౌండేషన్ చైర్మన్, ప్రముఖ మోటివేషనల్ స్పీకర్ వాడేకర్ లక్ష్మణ్ ఉత్తమ సేవ పురస్కారం అందుకున్నారు. ఈ పురస్కారాన్ని జేడీ లక్ష్మీనారాయణ రిటైర్డ్ ఐపీఎస్ అధికారి అందజేశారు.
ఈ ఘనతను వాసవి వర్డ్ స్కూల్, ముత్యం రెడ్డి ఆధ్వర్యంలో ఏర్పాటు చేసిన కార్యక్రమంలో వాడేకర్ లక్ష్మణ్ కి ప్రదానం చేశారు. జేడీ లక్ష్మీనారాయణ మాట్లాడుతూ,సేవా కార్యక్రమాలలో ముందుండి తన సామాజిక బాధ్యతను నెరవేరుస్తున్న లక్ష్మణ్ యువతకు ఆదర్శప్రాయులు అని ప్రశంసించారు.
సామాజిక సేవలో ఆనందితా ఫౌండేషన్ పాత్ర
ఆనందితా ఫౌండేషన్ గత కొంతకాలంగా నిర్మల్ ప్రాంతంలో నిరుపేద విద్యార్థులకు ఉచితంగా వ్యక్తిత్వ వికాస శిక్షణ, ప్రజలకు రక్తదానం, అన్నదాన కార్యక్రమాలు, పర్యావరణ పరిరక్షణ, తదితర సేవా కార్యక్రమాల్లో నిమగ్నమై ఉంది. లక్ష్మణ్ విద్యార్థుల వ్యక్తిత్వ వికాసం కోసం ఎన్నో శిక్షణా తరగతులు నిర్వహించడమే కాకుండా, కార్పొరేట్ కంపెనీలు, విద్యాసంస్థలు, యువత, నిరుద్యోగ యువతకు మార్గనిర్దేశం చేస్తూ, సమాజంలో స్ఫూర్తిదాయక వ్యక్తిగా నిలిచారు.
ముఖ్య అతిథులు.
ఈ కార్యక్రమంలో వాసవి వర్డ్ స్కూల్ డైరెక్టర్ ముత్యం రెడ్డి, హ్యాండ్‌రైటింగ్ నిపుణులు డా. మల్లికార్జున రావు, విద్యార్ధులు, తల్లిదండ్రులు, పలువురు ప్రముఖులు హాజరై వాడేకర్ లక్ష్మణ్ ని అభినందించారు.
లక్ష్మణ్ స్పందన.
ఈ పురస్కారాన్ని స్వీకరించిన సందర్భంగా లక్ష్మణ్ మాట్లాడుతూ,ఈ గుర్తింపు నా సేవలను మరింత ముందుకు తీసుకెళ్లేలా ప్రోత్సహిస్తోంది. సమాజానికి మేలు చేయడం నా బాధ్యతగా భావించి, మరిన్ని సేవా కార్యక్రమాలు చేపడతాను అని అన్నారు.
ఈ సందర్భాన్ని పురస్కరించుకుని, నిర్మల్ వాసులు ఆనందితా ఫౌండేషన్ సేవలను కొనియాడుతూ, లక్ష్మణ్ భవిష్యత్ కార్యక్రమాలకు శుభాకాంక్షలు తెలియజేశారు.

జనవరి 27( తెలంగాణ ఎక్స్ ప్రెస్ )నర్వ మండల పరిధిలోని కేజీబీవీ పాఠశాలను ఆకస్మితంగా సందర్శించారు పాఠశాల విద్యార్థులను భోజన సదుపాయాలను మౌలిక వసతులను విద్యార్థి ఉపాధ్యాయులను అడిగి తెలుసుకున్నారు ఉపాధ్యాయులు చెప్పే సిలబస్ గురించి వివరాలు అడిగి తెలుసుకొని పలు రికార్డులను తనిఖీ చేశారు ఇట్టి కార్యక్రమంలో తాసిల్దార్ మల్లారెడ్డి ఎంపీడీవో శ్రీనివాసులు వ్యవసాయ శాఖ అధికారిని అఖిల రెడ్డి మండల కాంగ్రెస్ పార్టీ అధ్యక్షులు చెన్నయ్య సాగర్ డి కృష్ణారెడ్డి శరణప్ప కాంగ్రెస్ పార్టీ నాయకులు అధికారులు పాల్గొన్నారు

ఎల్లారెడ్డి, జనవరి 27,(తెలంగాణ ఎక్స్ ప్రెస్):

ఎల్లారెడ్డి పట్టణంలోని స్థానిక సూపర్ స్పెషాలిటీ ఆసుపత్రిలో, సోమవారం ఉదయం ఓ మహిళ కడుపులోంచి అరుదైన ఆపరేషన్ నిర్వహించి 7.750 కేజీల బరువు కలిగిన కణితిని తొలగించినట్లు ఆసుపత్రి వైద్యులు సర్జన్ రవీంద్ర మోహన్ తెలిపారు. మహ్మద్ నగర్ మండలం తున్కిపల్లి గ్రామానికి చెందిన అబీదా బేగం (41) 2 రోజుల క్రితం కడుపు నొప్పితో ఆసుపత్రికి రావడం జరిగిందని వైద్యులు తెలిపారు. గత 6 నెలలుగా కడుపు నొప్పితో బాధ పడుతూ పలు ఆసుపత్రుల్లో చికిత్స పొందిన నొప్పి ఎంత వరకు తగ్గక పోవడంతో తన ఆసుపత్రికి (సూపర్ స్పెషాలిటీ ఆసుపత్రి) రావడం జరిగిందని తెలిపారు. ఆమెను పరీక్షించి అబ్దామిన్ స్కానింగ్ చేసి, సిటి స్కాన్ అబ్డామిన్ చేసి చూడగా కడుపులో అండాశయ కణితి గర్భ సంచి కణితి ఉన్నట్లు గుర్తించడం జరిగిందన్నారు. దీన్ని ఆపరేషన్ చేసి తొలగించడం ఏకైక మార్గం అని కుటుంబ సభ్యులకు వివరించారు. భర్త షబ్బీర్ అనుమతితో ఆపరేషన్ నిర్వహించి, అబీదా బేగం కడుపులోంచి 7.750 కేజీల కణితిని తొలగించినట్లు వైద్యులు సర్జన్ రవీంద్ర మోహన్ తెలిపారు. అపరేషన్ అనంతరం అబేదా ఆరోగ్యం నిలకడగా ఉండి కోలుకుం టుందని వైద్యులు వివరించారు. ఈ ఆపరేషన్ లో డాక్టర్ సర్జన్ రవీంద్ర మోహన్, డాక్టర్ సిద్దిరాములు, డాక్టర్ మక్బూల్ (మత్తు డాక్టర్) సిబ్బంది పాల్గొన్నారు.

కల్వకుర్తి జనవరి 27(తెలంగాణ ఎక్స్ ప్రెస్)
ప్రభుత్వ పాఠశాలల్లో చదువుతున్న విద్యార్థుల్లో అభ్యసన సామర్థ్యాలను పెంచేందుకు ఉపాధ్యాయులు కృషి చేస్తూ, విద్యార్థుల ఉజ్వల భవిష్యత్తే ధ్యేయంగా తరగతిగదుల్లో ఉపాధ్యాయుల విద్యా బోధన కొనసాగించాలని నాగర్ కర్నూల్ జిల్లా విద్యాశాఖ అధికారి ఎ.రమేష్ కుమార్ ఉపాధ్యాయులకు సూచించారు.సోమవారం కల్వకుర్తి పట్టణంలోని ప్రభుత్వ ఉన్నత పాఠశాలలో కల్వకుర్తి మండలంలోని ప్రాథమిక స్థాయి ఉపాధ్యాయుల స్కూల్‌ కాంప్లెక్స్‌ సమావేశానికి జిల్లా విద్యాశాఖ అధికారి ఏ రమేష్ కుమార్ ఆకస్మికంగా సందర్శించారు.ఈ సందర్భంగా ఉపాధ్యాయులనుదేశించి డీఈవో రమేష్ కుమార్ మాట్లాడుతూ ఉపాధ్యాయులు ప్రభుత్వ పాఠశాలలకు సమయపాలన పాటిస్తూ అంకితభావంతో విధులు నిర్వర్తించాలని సూచించారు.రాష్ట్ర ప్రభుత్వం విద్యా పై ప్రత్యేక దృష్టి సాధించిందని, ప్రభుత్వ పాఠశాలల బలోపేతానికి ప్రత్యేక చర్యలు తీసుకుంటుందని, అదే తరహాలో ఉపాధ్యాయులు విద్యార్థుల అభ్యున్నతికి పని చేయాల్సిన బాధ్యత ప్రతి ఉపాధ్యాయుడిపైన ఉంటుందన్నారు.
ప్రాథమిక స్థాయి నుండి అన్ని సబ్జెక్టుల్లో విద్యార్థులు రాణించేలా చర్యలు తీసుకోవాలన్నారు. విద్యార్థులకు చతుర్విద ప్రక్రియలు వచ్చేలా చూడాలని, ప్రతి ఉపాధ్యాయుడు బోధనలో మెళకువలు పాటించాలన్నారు.ప్రభుత్వ పాఠశాలల్లో విద్యార్థుల హాజరు శాతాన్ని పెంచాలని, ప్రతి ఒక్కరూ సమయపాలన పాటించాలని ఆదేశించారు.
విద్యార్థుల కోసం ప్రత్యేకంగా ప్రభుత్వం రూపొందించిన (అపార్ ఐడి) ఆటోమేటేడ్ పర్మనెంట్ అకాడమిక్ అకౌంట్ ఐడి ఆన్లైన్ ప్రక్రియను వెంటనే పూర్తి చేయాలని ఉపాధ్యాయులను డిఈవో ఆదేశించారు.నిరంతర సమగ్ర మూల్యాంకనం తదితర అంశాలపై ఉపాధ్యాయులు ప్రత్యేక దృష్టి సారించి, ప్రతి విద్యార్థి సమగ్ర వివరాలను ఆన్లైన్ ప్రక్రియను పూర్తి చేయాలని అన్నారు.విధుల పట్ల నిర్లక్ష్యం వహించే ఉపాధ్యాయులపై కఠిన చర్యలు తీసుకుంటామని డిఇఓ హెచ్చరించారు.ప్రతి నెలలో మూడో శనివారం నిర్వహించే టీచర్స్ పేరెంట్ సమావేశాలను విధిగా నిర్వర్తించి విద్యార్థుల సామర్థ్యాలు హాజరు తదితర అంశాలపై ఉపాధ్యాయులు విద్యార్థుల తల్లిదండ్రులతో చర్చించాలని సూచించారు.
అనంతరం ప్రభుత్వ ఉన్నత పాఠశాలలో విద్యార్థుల ఏర్పాటు చేసిన మధ్యాహ్న భోజనాన్ని డీఈఓ పరిశీలించారు నాణ్యమైన రుచికరమైన మధ్యాహ్నం భోజనాన్ని విద్యార్థులకు అందించాలని ఆదేశించారు. పాఠశాలలో పదో తరగతి విద్యార్థుల విద్యా ప్రమాణాలను డీఈవో పరిశీలించారు.
వెనుకబడిన విద్యార్థులపై ప్రత్యేక శ్రద్ధ వహించాలని ఉపాధ్యాయులను డిఈవో ఆదేశించారు. ఈ కార్యక్రమంలో కల్వకుర్తి మండల విద్యాధికారి శంకర్ నాయక్, స్కూల్ కాంప్లెక్స్ ప్రధాన ఉపాధ్యాయురాలు ప్రసన్న ఉపాధ్యాయులు తదితరులు పాల్గొన్నారు.

తెలంగాణ ఎక్స్ ప్రెస్ దినపత్రిక
వెల్గటూర్ జనవరి 27

ధర్మపురి మున్సిపాలిటీలో పనిచేసే సిబ్బందికి మరియు పారిశుద్ధ్య కార్మికులకు కాంగ్రెస్ పార్టీ మాజీ కౌన్సిలర్లు జక్కు పద్మ రవీందర్,సంఘనబట్ల సంతోషి దినేష్,వేముల నాగలక్ష్మి రాజేష్,గరిగే అరుణ రమేష్ ఆధ్వర్యంలో ఏర్పాటు చేసిన సన్మాన కార్యక్రమంలో ముఖ్య అతిథిగా ప్రభుత్వ విప్ ఎమ్మెల్యే అడ్లూరి లక్ష్మణ్ కుమార్ సోమవారం రోజున పాల్గొన్నారు.ఈ సందర్భంగా మున్సిపల్ సిబ్బంది మరియు పారిశుద్ధ్య కార్మికులను శాలువాతో సన్మానించి వారికి బట్టలు చీరలను పంపిణీ చేశారు.

ఈ సందర్భంగా వారు మాట్లాడుతూ..

కాంగ్రెస్ పార్టీ మాజీ కౌన్సిలర్ల ఆధ్వర్యంలో మున్సిపల్ సిబ్బందికి,పారిశుద్ధ్య కార్మికులకు ఏర్పాటు చేసిన సన్మాన కార్యక్రమంలో పాల్గొన్నందుకు చాల సంతోషంగా ఉందని,పట్టణాన్ని పరిశుభ్రంగా వుంచడంలో పారిశుద్ధ్య కార్మికుల పాత్ర కీలకమని,ధర్మపురి మున్సిపాలిటీలో ఇటీవల సీసీ రోడ్లు,డ్రైనేజీల నిర్మాణానికి TUFIDC గ్రాంట్ కింద 15 కోట్ల రూపాయలను మంజూరు చేసి వాటికి శంకుస్థాపనలు చెసుకోవడం జరిగిందని,వీలైనంత త్వరగా అట్టి పనులను పూర్తి చేయాలనీ అధికారులను కూడా ఆదేశించడం జరిగిందని,వచ్చే వేసవిలో తాగునీటి సమస్య పరిష్కారానికి తగిన చర్యలు తీసుకుంటామని,గత ప్రభుత్వ పాలకుల అనాలోచిత నిర్ణయాల వల్ల ధర్మపురి తలపున గోదావరి ఉన్న ఇక్కడి ప్రాంత ప్రజలు త్రాగు నీటి విషయంలో ఇబ్బందులు పడాల్సిన పరిస్థితి ఏర్పడిందనీ,SDF గ్రాంట్ కింద 10 కోట్ల రూపాయలు మంజూరు చేస్తే అందులో 6 కోట్ల రూపాయలను కేవలం బోర్ వెల్స్ కే కేటాయించడం జరిగిందని,సిఎం రేవంత్ రెడ్డి నేతృత్వంలో రాబోయే రోజుల్లో నియోజకవర్గానికి సంబంధించి మంచినీటి సరఫరాలో ఎలాంటి ఇబ్బందులూ కలగకుండా అదే విధంగా ధర్మపురి మున్సిపల్ పట్టణంలో తాగునీటి సమస్యకు శాశ్వత పరిష్కారం చూపే విధంగా చర్యలు తీసుకుంటామని ఈ సందర్భంగా తెలిపారు.

ఈ కార్యక్రమంలో మున్సిపల్ సిబ్బంది,మండల కాంగ్రెస్ పార్టీ నాయకులు కార్యకర్తలు తదితరులు పాల్గొన్నారు

తెలంగాణ ఎక్స్ ప్రెస్ దినపత్రిక
వెల్గటూర్ జనవరి 19

వెల్గటూర్ మండలం శాఖపూర్ గ్రామంలోని మీరాల కార్తీక్ అను వ్యక్తి రోడ్డు ప్రమాదంలో గాయపడగా అతని కాలి వేలు మరియు కంటి బొక్క విరుగగా అతని యొక్క ఆర్థిక పరిస్థితి బాగా లేనందున అతని పరిస్థితి తెలుసుకొని కార్తీక్ తల్లిదండ్రులకు ముదిరాజ్ సంఘ సభ్యులు వారికి ఆసుపత్రి ఖర్చుల నిమిత్తం 20,000 రూపాయలు ఆర్థిక సహాయం చేయడం జరిగింది. కార్తీక్ తల్లిదండ్రులు ముదిరాజ్ సంఘ సభ్యులకు కృతజ్ఞతలు తెలిపారు.

ఈ కార్యక్రమంలో కొలకాని సత్తయ్య, కొలకాని పోచయ్య, రంగం మధు, మీరాల రమేష్,మడిగేలా రవి, లచ్చయ్య, గౌరయ్య, శ్రీనివాస్, రాజయ్య, రాయాలింగు,మల్లేష్, రాజు, లచ్చయ్య తదితరులు పాల్గొన్నారు.

మిర్యాలగూడ జనవరి 18 (తెలంగాణ ఎక్స్ ప్రెస్)

తెలుగుదేశం పార్టీ వ్యవస్థాపక అధ్యక్షులు, ఆంధ్రప్రదేశ్ రాష్ట్ర మాజీ ముఖ్యమంత్రి, తెలుగు ప్రజల అభిమాన నటుడు ఎన్.టీ. రామారావు 29వ వర్ధంతిని పురస్కరించుకొని శనివారం మిర్యాలగూడ కమ్మ సంఘం ఆధ్వర్యంలో ఆర్టీసీ బస్టాండ్ వద్ద గల ఎన్టీఆర్ విగ్రహానికి, మున్సిపల్ కాంప్లెక్స్ వద్ద ఎన్.టి.ఆర్ చిత్రపటానికి పూలమాలలు, పూలతో ఘన నివాళి అర్పించారు. అనంతరం మిర్యాలగూడ మున్సిపల్ కాంప్లెక్స్ కమ్మ సంఘం ఆధ్వర్యంలో అన్న ప్రసాద వితరణ కార్యక్రమం పచ్చ వెంకయ్య పోలమ్మ జ్ఞాపకార్థం నిర్వహించారు. సంఘం నాయకులు నల్లమోతు సాంబశివరావు, ఆర్టీసీ కార్మిక సంఘం రాష్ట్ర నాయకులు రామావతారం, లయన్స్ క్లబ్ డిస్ట్రిక్ట్ చైర్మన్ మాశెట్టి శ్రీనివాస్ (డైమండ్) రైస్ మిల్లర్స్ అసోసియేషన్ రాష్ట్ర ఉపాధ్యక్షులు లయన్ కర్నాటి రమేష్, ముక్కపాటి వెంకటేశ్వరరావు, మువ్వా అరుణ్ కుమార్, పచ్చ శ్రీనివాస్, పాతూరి ప్రసాద్ రావు, వెంకటరమణ చౌదరి, పోట్ల వెంకటేశ్వర్లు, కూనల గోపాలకృష్ణ, అనపర్తి గంగాధర్ చిన్నం రమేష్, తదితరులు పాల్గొన్నారు.