తాజా వార్తలు

ఎల్లారెడ్డి, డిసెంబర్ 11,(తెలంగాణ ఎక్స్ ప్రెస్):

విద్యాశాఖలో పనిచేస్తున్న సమగ్ర శిక్ష ఉద్యోగులు తమ ఉద్యోగ భద్రత కోసం, జిల్లా కేంద్రంలో నిరవధిక సమ్మె చేస్తున్నారు. బుదవారం కామారెడ్డి జిల్లా కేంద్రంలోని మున్సిపల్ కార్యాలయం ఎదుట జిల్లాలోని అన్ని మండలాల్లో పని చేస్తున్న సమగ్ర శిక్ష ఉద్యోగులు నిరవధిక సమ్మె లో పాల్గొన్నారు. ఈ సందర్భంగా సమగ్ర శిక్ష ఉద్యోగుల సంఘం నాయకులు మాట్లాడుతూ, తమకు రెగ్యులరైజ్ చేయాలని, అప్పటివరకు వెంటనే పే స్కేల్ అమలు చేయాలని ప్రభుత్వాన్ని కోరారు. సిఎం రేవంత్ రెడ్డి సర్కార్ ఇచ్చిన హామీని నిలబెట్టు కుంటారని పూర్తి విశ్వాసంతో ఉన్న తమకు, ఎలాంటి హామీ ఇవ్వక పోవడంతో రాష్ట్ర సమగ్ర శిక్ష ఉద్యోగుల సంఘం నాయకుల అదేశాల మేరకు ఈ నెల 10 వ తేది నుండి నిరవధిక సమ్మెను కామారెడ్డి జిల్లా కేంద్రంలో చేస్తున్నామని అన్నారు. సమగ్ర శిక్ష ఉద్యోగులందరూ ఎంఆర్ సి కార్యాలయానికి విధులకు వెళ్లకుండా నిరవధిక సమ్మె లో పాల్గొనడంతో ఎం ఆర్ సి కార్యాలయాలు తీసేవాళ్ళు లేక తాళాలు పడ్డాయి. రాష్ట్ర సర్కార్ ఇచ్చిన హామీ నెరవేర్చే వరకు నిరవధిక సమ్మెను విరమించబోమని విద్యాశాఖలో పని చేస్తున్న సమగ్ర శిక్ష ఉద్యోగులు స్పష్టం చేశారు .

పెన్ పహాడ్ మండలం తెలంగాణ ఎక్స్ ప్రెస్ డిసెంబర్ 10

మండల పరిధిలోనిదోస పహాడ్ గ్రామ ఆవాసం బుడగ జంగాల కాలనీ లో ఈరోజు అగ్ని ప్రమాదంలో మూడు పూరి గుడిసెలు పూర్తిగా దగ్ధమైనాయి అదే విధంగా ఆస్తి నష్టం జరిగింది ఇంట్లో గ్యాస్ సిలిండర్ పేలిపోవడంతో ఆరుగురికి తీవ్రమైన గాయాలై నాయి గాయపడిన వారిలో పర్వతం సైదమ్మ, పర్వతం మంగమ్మ, పర్వతం వెంకన్న, పర్వతం భిక్షం, పర్వతం శ్రీను, కడమంచి నాగయ్య, పర్వతం సతీష్, ఎలమంచమ్మ లకు గాయాలు అయినవి అక్కడున్న ప్రజలు కాలనీవాసులు మొత్తం కూడా భయభ్రాంతులతో హార్తనాధలతో మమ్ములను కాపాడండి అని వేడుకున్నారు మమ్మల్ని ప్రభుత్వ ఆదుకోవాలని వారు వేడుకుంటున్నారు

బిచ్కుంద డిసెంబర్ 11 :-(తెలంగాణ ఎక్స్ ప్రెస్)

కామారెడ్డి జిల్లా బిచ్కుంద మండల కేంద్రంలోని బుధవారం జరిగిన గ్రామపంచాయతీ కార్మికుల సమావేశంలో సి.ఐ.టి.యు జిల్లా కమిటీ సభ్యులు పాల్గొని మాట్లాడుతూ రాష్ట్ర ప్రభుత్వం ఎన్నికల సమయంలో గ్రామపంచాయతీ కార్మికులకు ఇచ్చిన హామీలను అమలు చేయాలని సురేష్ గొండ రాష్ట్ర ప్రభుత్వాన్ని డిమాండ్ చేశారు.
గ్రామపంచాయతీ కార్మికులకు 18 వేల రూపాయల వేతనం. ఉద్యోగ భద్రత,పిఎఫ్, ఈఎస్ఐ సౌకర్యాలతో పాటు ఉద్యోగ భద్రత కల్పించాలని మల్టీపర్పస్ విధానం రద్దు చేస్తూ కార్మికులకు యూనిఫామ్ డ్రెస్కోడ్ అమలు చేయాలని ప్రభుత్వాన్ని ఆయన డిమాండ్ చేశారు.ప్రస్తుత అసెంబ్లీ సీతకాల సమావేశంలో గ్రామపంచాయతీ కార్మికుల డిమాండ్లపై చర్చ చేయాలని లేనిచో ఈనెల 17న చలో హైదరాబాద్ కార్యక్రమం చేపడతామని ప్రభుత్వానికి హెచ్చరించారు.కార్యక్రమంలో జిపి కార్మికుల బిచ్కుంద మండల అధ్యక్షుడు రూప్ సింగ్, కార్యదర్శి ఈ సాయిలు,బిచ్కుంద అధ్యక్షుడు భూమయ్య. కార్యదర్శి సుశీల బాయి కార్మికులు,శంకర్, బంగారం,పురేందర్, లింగూరం,బాజీరావు, శకుంతల,రత్నవ్వ,గంగవ్వ బిచ్కుంద మండలంలోని వివిధ గ్రామపంచాయతీ కార్మికులు పాల్గొన్నారు.

నాగిరెడ్డిపేట , డిసెంబర్ 11:-(తెలంగాణ ఎక్స్ ప్రెస్) నాగిరెడ్డిపేట
మండలంలోని నాగిరెడ్డిపేట గ్రామ మాజీ జడ్పిటిసి సుధాకర్ కుమారుడు ప్రశాంత్ వివాహ వేడుకలు బంజారా తండా ఫంక్షన్ హాల్లో నిర్వహించగా అట్టి వివాహ వేడుకలకు మాజీ జెడ్పిటిసి ఉమన్నగారి మనోహర్ రెడ్డి,కాంగ్రెస్ పార్టీ నాయకులు పాల్గొని నూతన వధూవరులను ఆశీర్వదించారు.ఈ సందర్భంగా పలువురు నూరేళ్ల జీవితాన్ని ఆయురారోగ్యాలతో గడిపి జీవించాలని ఆశీర్వదించారు.ఈ కార్యక్రమంలో కాంగ్రెస్ పార్టీ మండల అధ్యక్షులు శ్రీధర్ గౌడ్,నాయకులు వాసు రెడ్డి,నరసింహారెడ్డి,జీవరత్నం,లక్ష్మణ్,ఇమామ్,సురేందర్ గౌడ్,విట్టల్ గౌడ్,నగేష్, కిష్టాపూర్,శ్రీరామ్ గౌడ్,గండి ఆంజనేయులు తదితరులు పాల్గొన్నారు.

కామారెడ్డి, డిసెంబర్ 11:-(తెలంగాణ ఎక్స్ ప్రెస్ బ్యూరో)రాష్ట్రంలో ఇందిరమ్మ ఇండ్ల కోసం దరఖాస్తు చేసుకున్న సుమారు 80 లక్షల మంది వివరాలను డిసెంబర్ నెలాఖరు లోగా పకడ్బందీగా సేకరించాలని రాష్ట్ర రెవెన్యూ, సమాచార, గృహ నిర్మాణ శాఖ మంత్రి వర్యులు పొంగులేటి శ్రీనివాస్ రెడ్డి అన్నారు.
బుధవారం రాష్ట్ర రెవెన్యూ, సమాచార, గృహ నిర్మాణ శాఖ మంత్రి వర్యులు పొంగులేటి శ్రీనివాస్ రెడ్డి హైదరాబాద్ లోని సచివాలయం నుంచి రాష్ట్ర ముఖ్య కార్యదర్శి శాంతి కుమారి, ప్రభుత్వ సలహాదారు వేం నరేందర్ రెడ్డి, తెలంగాణ పబ్లిక్ సర్వీస్ కమిషన్ చైర్మన్ బుర్ర వెంకటేశం, ఇతర రాష్ట్ర ఉన్నతాధికారులతో కలిసి ఇందిరమ్మ ఇండ్లు, గ్రూప్ 2 పరీక్షల నిర్వహణ, నూతన డైట్ మెనూ పెంపు ప్రారంభోత్సవం కార్యక్రమం, సంక్షేమ హాస్టల్స్ తనికి , తదితర అంశాలపై జిల్లా కలెక్టర్లతో వీడియో కాన్ఫరెన్స్ ద్వారా రివ్యూ నిర్వహించారు. ఈ సందర్భంగా మంత్రి పొంగులేటి శ్రీనివాస్ రెడ్డి మాట్లాడుతూ, ప్రజా ప్రభుత్వం ఏర్పడి సంవత్సరం గడిచిన నేపథ్యంలో మనం చేసిన కార్యక్రమాలను ప్రజలకు వివరిస్తూ డిసెంబర్ 9 వరకు ఘనంగా నిర్వహించిన వేడుకలకు సామాజిక ఆర్థిక విద్య ఉపాధి రాజకీయ, కుల సర్వే ఇంటింటి కుటుంబ సర్వే విజయవంతంగా పూర్తి చేసిన నందులకు జిల్లా కలెక్టర్లను,అధికారులకు, సిబ్బందికి ప్రత్యేక అభినందనలు తెలిపారు. డిసెంబర్ 5న ముఖ్య మంత్రి రేవంత్ రెడ్డి చేతుల మీదుగా ఇందిరమ్మ ఇండ్ల యాప్ ప్రారంభించుకున్నామని అన్నారు. ప్రజాపాలన ద్వారా మనకు సుమారు 80 లక్షల వరకు ఇందిరమ్మ ఇండ్ల కోసం దరఖాస్తులు వచ్చాయని, ఇందిరమ్మ ఇండ్ల యాప్ ద్వారా 80 లక్షల దరఖాస్తులకు సంబంధించి సంపూర్ణ వివరాలు డిసెంబర్ నెలాఖరు లోపు సేకరించాలని, ప్రతి 500 ఇండ్ల దరఖాస్తుల సర్వే కోసం ఒక సర్వేయర్ ను ఏర్పాటు చేసుకోవాలని అన్నారు. పంచాయతీలలో,మున్సిపాలిటీలలో,కార్పొరేషన్లలో ఇందిరమ్మ ఇండ్ల కమిటీలను నియమించామని, వీరిని సమన్వయం చేసుకుంటూ వివరాల సేకరణ జరగాలని, షెడ్యూల్ ముందస్తుగానే ఇందిరమ్మ కమిటీల ద్వారా ప్రజలకు తెలియజేయాలని మంత్రి సూచించారు.
ప్రస్తుతం మనం ఇందిరమ్మ ఇండ్ల యాప్ ద్వారా సేకరించే డేటా రాబోయే 4 సంవత్సరాలు ఉపయోగ పడుతుందని, ఈ అంశాన్ని దృష్టిలో ఉంచుకొని పక్కాగా వివరాల సేకరణ ఉండాలని అన్నారు. ఈ సర్వేలో ఇందిరమ్మ ఇండ్ల కోసం వచ్చిన ప్రతి దరఖాస్తు వివరాలను క్షేత్ర స్థాయిలో పరిశీలించి, ప్రస్తుతం నివసిస్తున్న ఇంటి ఫోటో నమోదు చేయాలని అన్నారు.
ప్రజా ప్రభుత్వం ప్రతిష్టాత్మకంగా పిల్లలకు అందించే డైట్ చార్జీలను 40 శాతం పెంచిందని, డైట్ చార్జీల పెంపు లాంచ్ కార్యక్రమంతో పాటు ఈ విద్యా సంస్థలను రెగ్యులర్ గా తనిఖీ చేయాలని, ఈ పాఠశాలలో విద్యార్థులకు మెరుగైన ఆహారం అంది దిశగా కృషి చేయాలని అన్నారు. హస్టల్స్ కు సన్న రకం బియ్యం సరఫరా చేస్తున్నామని, ఇందులో అధికంగా నూక వస్తుందని ఫిర్యాదులు ఉన్నాయని వీటిని పరిశీలించి కలెక్టర్లు నాణ్యమైన బియ్యం, విద్యాసంస్థలకు చేరేలా చూడాలని మంత్రి ఆదేశించారు.

రాష్ట్ర ముఖ్య కార్యదర్శి శాంతి కుమారి మాట్లాడుతూ.. ప్రజా పాలన ద్వారా సేకరించిన దరఖాస్తు లలో ఇందిరమ్మ ఇండ్ల కింద ప్రభుత్వానికి 80 లక్షల దరఖాస్తులు వచ్చాయని, వీటిని సర్వేయర్ ద్వారా ఇంటింటికి తిరుగుతూ క్షేత్రస్థాయిలో విచారణ చేపట్టడం జరుగుతుందని అన్నారు. జిల్లాల్లో ఇందిరమ్మ ఇండ్ల కోసం ఎంతమంది దరఖాస్తు చేసుకున్నారు, ప్రతి 500 ఇండ్ల దరఖాస్తులు సర్వే కొసం ఒక సర్వేయర్ చొప్పున సర్వే చేసేందుకు అవసరమైన సిబ్బంది గుర్తించి వారికి శిక్షణ కార్యక్రమం 2 రొజులలో పూర్తి చేయాలని అన్నారు. సర్వే కోసం నగరంలోని వార్డు అధికారులు, బిల్ కలెక్టర్, జూనియర్ అసిస్టెంట్, రూరల్ ప్రాంతాల్లో గ్రామస్థాయి సిబ్బంది సర్వేయర్ లుగా నియమించాలని అన్నారు.
ప్రజా పాలనలో ఇందిరమ్మ ఇండ్ల కొసం దరఖాస్తు చేసుకున్న ప్రజలకు యాప్ ద్వారా సిబ్బంది వివరాల సేకరణకు వస్తున్నారని ముందస్తు సమాచారం అందించాలని అన్నారు. ఇందిరమ్మ ఇండ్ల సర్వే పై ప్రజలకు విస్తృతంగా ప్రచారం చేయాలని అన్నారు. ఇందిరమ్మ ఇండ్ల కోసం నూతన దరఖాస్తులు తీసుకోవడానికి వీలు లేదని, పాత దరఖాస్తుల పరిశీలన కొసం మాత్రమే సర్వే చేస్తున్నామని అన్నారు. ఇందిరమ్మ ఇండ్ల దరఖాస్తుల సర్వే కార్యక్రమంలో స్థానిక ప్రజాప్రతినిధులు ఎమ్మెల్యేలు ఎమ్మెల్సీలను భాగస్వామ్యం చేయాలని అన్నారు. ప్రతి సర్వేయర్ రొజుకు 20 ఇండ్ల దరఖాస్తుల సర్వే పూర్తి చేయాలని అన్నారు.
గ్రూప్ 2 పరీక్షలను ఎటువంటి పొరపాట్లు లేకుండా పకడ్బందీగా నిర్వహించాలని సీఎస్ అధికారులకు సూచించారు. డిసెంబర్ 14న జిల్లాలలో ఉన్న రెసిడెన్షియల్ పాఠశాలలు, సంక్షేమ హాస్టల్స్, మాడల్ స్కూల్స్, ఆశ్రమ పాఠశాలలు, కేజిబీవి లో 40% డైట్ చార్జీల పెంపు లాంచ్ కార్యక్రమం ఘనంగా నిర్వహించాలని సీఎస్ ఆదేశించారు.
డైట్ చార్జీల పెంపు ప్రారంభోత్సవ కార్యక్రమానికి పిల్లల తల్లిదండ్రులను ఆహ్వానించాలని, ముఖ్యంగా తల్లి హాజరయ్యే విధంగా చూసుకోవాలని అన్నారు. ఉదయం 11 నుంచి మధ్యాహ్నం 2 గంటల వరకు డైట్ చార్జీల పెంపు లాంచ్ కార్యక్రమం జరగాలని, ఆ రోజు విద్యార్థులకు స్పెషల్ ఆహారం అందించాలని, ప్రతి విద్యా సంస్థలు మెన్యు కు సంబంధించి వివరాల ఫ్లెక్సీ ప్రచురణ చేయాలని అన్నారు. పాఠశాలల్లో వంట గది నిర్వహణ, పిల్లలకు అందించాల్సిన నాణ్యమైన ఆహారం తదితర అంశాలపై స్టాఫ్ కు అవగాహన కల్పించాలని అన్నారు. డైట్ చార్జీల పెంపు కార్యక్రమంలో మంత్రులు, జిల్లా కలెక్టర్, ఎమ్మెల్యేలు, పోలీసు ఉన్నతాధికారులు, రెవెన్యూ డివిజన్ అధికారులు, ఉన్నతాధికారులు పాల్గొనేలా చూడాలని సీఎస్ తెలిపారు. తెలంగాణ పబ్లిక్ సర్వీస్ కమిషన్ చైర్మన్ బుర్ర వెంకటేశం మాట్లాడుతూ, గ్రూప్ 1 & గ్రూప్ 3 పరీక్షలను విజయవంతంగా నిర్వహించామని, ఈ సంవత్సరం చివరగా గ్రూప్ 2 పరీక్షలను డిసెంబర్ 15,16వ తేదీలలో 2 సెషన్స్ లలో జరుగుతాయని అన్నారు. గ్రూప్ 2 పరీక్షలలో అభ్యర్థులకు ప్రత్యేకంగా ఓఎంఆర్ షీట్ అందించడం జరుగుతుందని అన్నారు.
గ్రూప్ 2 పరీక్షల నిర్వహణ సంబంధించి చేసిన ఏర్పాట్లను, పాటించాల్సిన నియమాలను తెలంగాణ పబ్లిక్ సర్వీస్ కమిషన్ చైర్మన్ పవర్ పాయింట్ ప్రజెంటేషన్ ద్వారా వివరించారు. ప్రతి పరీక్ష చాలా కీలకమని, ఎక్కడ ఎటువంటి చిన్న పొరపాటు జరగకుండా పకడ్బందీగా పరీక్షను నిర్వహించాలని చైర్మన్ కలెక్టర్లను కోరారు.
ప్రతి అభ్యర్థికి ఓఎంఆర్ షీట్ ప్రత్యేకంగా ఉన్నందున పరీక్ష హాలలో అభ్యర్థి రాకపోయినా అతని స్థానంలో ఓఎంఆర్ షీట్ ప్రశ్నాపత్రం అలాగే పెట్టాలని, ఒకరి ఓఎంఆర్ షీట్ మరొకరికి ఇవ్వడానికి వీలు లేదని, పరీక్షా కేంద్రాలకు అభ్యర్థుల సకాలంలో చేరుకునేలా ముందుగానే విస్తృత ప్రచారం జిల్లాలలో కల్పించాలని, పరీక్ష సమయాలు , గేటు ఏ సమయంలో మూసి వేస్తాం వాటి అంశాలు విస్తృతంగా ప్రచారం చేయాలని అన్నారు. అనంతరం జిల్లా కలెక్టర్ ఆశిష్ సాంగ్వాన్ మాట్లాడుతూ, ఈ నెల 14 న జరిగే డైట్ చార్జీల పెంపు ప్రారంభోత్సవ కార్యక్రమంలో ప్రముఖులను ఆహ్వానించాలని, అలాగే విద్యార్థుల తల్లులను ఆహ్వానించాలని తెలిపారు.

ఈ వీడియో సమావేశంలో ఎస్పీ సింధు శర్మ, అదనపు కలెక్టర్లు వి.విక్టర్, శ్రీనివాస్ రెడ్డి, జడ్పీ సీఈవో చందర్, జిల్లా పంచాయతీ అధికారి శ్రీనివాస్ రావు, వివిధ శాఖల అధికారులు, తదితరులు పాల్గొన్నారు.

మిర్యాలగూడ డిసెంబర్ 11 (తెలంగాణ ఎక్స్ ప్రెస్)

నల్గొండ జిల్లా మిర్యాలగూడ పట్టణంలో తెలంగాణ రాష్ట్ర పబ్లిక్ సర్వీస్ కమిషన్ నేతృత్వంలో ఈనెల 15,16న నిర్వహిస్తున్న గ్రూప్- 2 పరీక్షలకు మిర్యాలగూడలో 28 కేంద్రాలను ఏర్పాటు చేసినట్లు మిర్యాలగూడ తహసిల్దార్ హరిబాబు విలేకరులకు తెలిపారు. బుధవారం తహసిల్దార్ హరిబాబు మాట్లాడుతూ ఈనెల 15న ఉదయం10 గంటల నుంచి 12:30 గంటల వరకు పేపర్-1 జనరల్ స్టడీస్ అండ్ జనరల్ ఎబిలిటీస్ పరీక్ష నిర్వహించనున్నారని తెలిపారు మధ్యాహ్నం 3 గంటల నుంచి 5:30 గంటల వరకు పేపర్ -2 చరిత్ర, పోలీటి సొసైటీ పరీక్ష ఉంటుందన్నారు. ఈనెల 16న ఉదయం 10 గంటల నుంచి 12:30 గంటల వరకు పేపర్ -3 లో ఎకనామి అండ్ డెవలప్మెంట్ పరీక్షను అదే రోజు మధ్యాహ్నం 3 గంటల నుంచి 5:30 గంటల వరకు పేపర్-4 లో తెలంగాణ మూవ్మెంట్ అండ్ స్టేట్ ఫార్మేషన్ పరీక్ష నిర్వహించనున్నారని ఆయన తెలిపారు. పకడ్బందీ ఏర్పాట్ల నడుమ పరీక్షలు నిర్వహిస్తామన్నారు. బుధవారం పరీక్ష కేంద్రాల అధికారులకు శిక్షణ ఇవ్వడం జరిగిందన్నారు. మిర్యాలగూడ పట్టణం, మండలంలో 28 గ్రూప్ -2 పరీక్ష కేంద్రాలను ఏర్పాటు చేయడం జరిగిందని వివరాలను వెల్లడించారు. మిర్యాలగూడ పట్టణంలోని రెడ్డి కాలనీలో గల *1*.విజేత డిగ్రీ కళాశాల,*2*. చర్చి బజార్లో గల కె. ఎల్.ఎన్. జూనియర్ కళాశాల.*3*. శ్రీ చైతన్య డిగ్రీ కళాశాల మెయిన్ బజార్,*4* శ్రేష్ట హైస్కూల్ జ్యోతి హాస్పిటల్ ఎదురుగా *5*. ఎస్.ఆర్. డి జి హై స్కూల్ జ్యోతి హాస్పటల్. *6*.నారాయణ జూనియర్ కళాశాల జ్యోతి హాస్పిటల్ వద్ద, *7*.నారాయణ హై స్కూల్ రెడ్డి కాలనీ నాగార్జున డిగ్రీ పీజీ కళాశాల మిర్యాలగూడ.*8*. జిల్లా పరిషత్ బాలికల ఉన్నత పాఠశాల పోస్ట్ ఆఫీస్ సమీపంలో మిర్యాలగూడ.*9*. శ్రీ చైతన్య టెక్నో స్కూల్ సుందర్ నగర్ ఎమ్మార్వో కార్యాలయం సమీపంలో మిర్యాలగూడ *10*. శ్రేష్ట హైస్కూల్, విద్యానగర్ (ఆర్యన్ స్కూల్) *11*.లిటిల్ ఫ్లవర్ హైస్కూల్ విద్యానగర్ *12*. చైతన్య హై స్కూల్ హౌసింగ్ బోర్డ్ వెంకటేశ్వర టెంపుల్ *13*. కే ఎన్. ఎం. ప్రభుత్వ డిగ్రీ కళాశాల గుంటూరు రోడ్ ఈదులగూడ వద్ద మిర్యాలగూడ.*14*. శ్రీ ప్రకాష్ రెసిడెన్షియల్ స్కూల్ అవంతిపురం మిర్యాలగూడ *15*.తెలంగాణ గిరిజన గురుకుల పాఠశాల కళాశాల అవంతిపురం మార్కెట్ యార్డ్ సమీపంలో మిర్యాలగూడ మండలం.*16*. కాకతీయ హై స్కూల్ అశోక్ నగర్   మోర్ సూపర్ మార్కెట్ సాగర్ రోడ్ మిర్యాలగూడ.*17*. వాగ్దేవి జూనియర్ కళాశాల రిలయన్స్ ట్రెండ్స్ సమీపంలో మిర్యాలగూడ.*18*. సినాప్సి జూనియర్ కళాశాల అశోక్ నగర్ కరాచీ బేకరీ ఎదురుగా మిర్యాలగూడ *19*. సాకేత జూనియర్ కళాశాల కె.ఎల్.ఎన్ బాలికల క్యాంపస్) చాకలి ఐలమ్మ విగ్రహం వద్ద హనుమాన్ పేట.*20* శ్రీ చైతన్య స్కూల్, కేశవ్ నగర్ కాలనీ రియాన్ బీఈడీ కళాశాల వెంకట్రాది పాలెం మిర్యాలగూడ.*21*. బీసీ గురుకుల బాలికల రెసిడెన్షియల్ స్కూల్ కళాశాల శ్రీనివాస్ నగర్ .మిర్యాలగూడ మండలం. *22*. తెలంగాణ మోడల్ స్కూల్ తుంగపహాడ్ మిర్యాలగూడ మండలం.*23*. శ్రీ గౌతమి జూనియర్ కాలేజ్ టాకా రోడ్ మిర్యాలగూడ *24* ఎస్.పి.ఆర్
స్కూల్ లక్ష్మీ కళ్యాణం మండపం సమీపంలో మిర్యాలగూడ.*25*. శివాని హై స్కూల్, సంతోష్ నగర్ మిర్యాలగూడ. *26*.అభ్యాస్ టెక్నో హైస్కూల్ సంతోష్ నగర్ మిర్యాలగూడ.*27*. శ్రీ చైతన్య హై స్కూల్ కృష్ణ కాలనీ నియర్ బైపాస్ రోడ్ మిర్యాలగూడ.*28*. మీనా ఇంజనీరింగ్ మహిళా కళాశాల రామచంద్ర గూడెం మిర్యాలగూడ లలో 28 పరీక్షా కేంద్రాలను ఏర్పాటు చేయడం జరిగిందని తహసిల్దార్ హరిబాబు తెలిపారు, పరీక్ష హాజరై అభ్యర్థులకు అన్ని సౌకర్యాలు కల్పించడం జరుగుతుందన్నారు.

.

నిజామాబాద్, డిసెంబర్ 10:-(తెలంగాణ ఎక్స్ ప్రెస్ బ్యూరో) స్థానిక సంస్థల ఎన్నికల నిర్వహణ ఏర్పాట్లలో భాగంగా రూపొందించిన ముసాయిదా పోలింగ్ స్టేషన్ల జాబితాపై ఏవైనా అభ్యంతరాలు ఉంటే ఈ నెల 12 వ తేదీ లోపు తెలియజేయాలని స్థానిక సంస్థల అదనపు కలెక్టర్ అంకిత్ రాజకీయ పార్టీలను కోరారు. సమీకృత జిల్లా కార్యాలయాల సముదాయంలోని తన ఛాంబర్లో మంగళవారం ఆయన గుర్తింపు పొందిన రాజకీయ పార్టీల ప్రతినిధులతో సమావేశం అయ్యారు. ఈ సందర్భంగా అదనపు కలెక్టర్ మాట్లాడుతూ, రాష్ట్ర ఎన్నికల సంఘం ఆదేశాల మేరకు కలెక్టర్ పర్యవేక్షణలో ముసాయిదా పోలింగ్ కేంద్రాల జాబితాను రూపొందించడం జరిగిందన్నారు. ఇప్పటికే ఈ నెల 7 వ తేదీన జిల్లాలోని అన్ని మండలాలు, గ్రామ పంచాయతీలలో ముసాయిదా జాబితాను ప్రకటించామని గుర్తు చేశారు. జిల్లాలో మొత్తం 545 గ్రామ పంచాయతీలు, 5022 వార్డులు ఉండగా, రాష్ట్ర ఎన్నికల కమిషన్ మార్గదర్శకాలను అనుసరిస్తూ 5053 పోలింగ్ కేంద్రాలను గుర్తిస్తూ ముసాయిదా జాబితాను రూపొందించామని వివరించారు. ఆర్మూర్ డివిజన్ పరిధిలో 180 జీపీలు, 1766 వార్డులకు గాను 1786 పోలింగ్ కేంద్రాలు, బోధన్ డివిజన్ పరిధిలో 152 జీపీలు, 1354 వార్డులకు గాను 1354 పోలింగ్ కేంద్రాలు, నిజామాబాద్ డివిజన్ పరిధిలో 213 జీ.పీలు, 1902 వార్డులకు గాను 1913 పోలింగ్ కేంద్రాలను ముసాయిదా జాబితాలో పొందుపర్చడం జరిగిందని వివరించారు. ఈ ముసాయిదా జాబితాపై ఏవైనా అభ్యంతరాలు ఉన్నట్లయితే ఈ నెల 12 వ తేదీలోపు తెలుపవచ్చని, 12న అన్ని మండలాల్లో రాజకీయ పార్టీల ప్రతినిధులతో ఎంపీడీఓలు నిర్వహించే సమావేశంలోనూ అభ్యంతరాలు స్వీకరిస్తారని అదనపు కలెక్టర్ తెలిపారు. వచ్చిన అభ్యంతరాలను 13వ తేదీన పరిష్కరించడం జరుగుతుందని, జిల్లా పాలనాధికారి ఆమోదం అనంతరం ఈ నెల 17న అన్ని మండలాలు, గ్రామ పంచాయతీలలో తుది పోలింగ్ కేంద్రాల జాబితా ప్రకటించబడుతుందని అన్నారు. ఈ సమావేశంలో ఇంచార్జ్ డీపీఓ శ్రీనివాస్, ఆర్మూర్ ఆర్డీఓ రాజాగౌడ్, గుర్తింపు పొందిన రాజకీయ పార్టీల ప్రతినిధులు పాల్గొన్నారు.

ఎల్లారెడ్డి, డిసెంబర్ 11,(తెలంగాణ ఎక్స్ ప్రెస్):

ఎల్లారెడ్డి మండలంలోని మౌళాన్ ఖేడ్ గ్రామ రైతులు, బుధవారం ఒకే రోజు 31 వ్యవసాయ విద్యుత్ మోటార్ల బిల్లులు చెల్లించినట్లు ఫోర్ మెన్ గంగాధర్ తెలిపారు. మొత్తం 31 బోర్ మోటార్ల కు సంబంధించిన 12,229 రూపాయల బిల్లులు చెల్లించడం జరిగిందన్నారు. ఈ కార్యక్రమంలో ఫోర్ మెన్ గంగాధర్ తో పాటు సీనియర్ లైన్ ఇన్స్పెక్టర్ సిద్దెందర్ రెడ్డి, లైన్ మెన్ బాలకిషన్ గౌడ్, ఏ ఎల్ ఎం ఇస్మాయిల్, సి ఎల్ రియాజ్ , రైతులు తదితరులు పాల్గొన్నారు.