V.Rajendernath

జుక్కల్ నవంబర్ 21:-( తెలంగాణ ఎక్స్ ప్రెస్)

కామారెడ్డి జిల్లా జుక్కల్ మండలంలోని శక్తి నగర్,మతుర తండా,డోన్గావ్ గ్రామాలలో ఎన్నికల ప్రచారంలో పాల్గొన్న జుక్కల్ నియోజకవర్గ కాంగ్రెస్ పార్టీ ఎమ్మెల్యే అభ్యర్థి తోట లక్ష్మీ కాంతారావు కు ఘన స్వాగతం పలికిన గ్రామ ప్రజలు…

డోన్గావ్ గ్రామంలో యాదవ సోదరుల ఆత్మీయ కలయికతో గొంగడి వేసుకొని మేక పిల్లను ఎత్తుకున్న తోట లక్ష్మీ కాంతారావు ..

అనంతరం లక్ష్మీ కాంతారావు మాట్లాడుతూ హన్మంత్ షిండే పదిహేను ఏళ్ల పాలనలో జుక్కల్ ఎంతో వెనకబడిందని ఆవేదన వ్యక్తం చేశారు..

పనులు చేయడం చేతకాని అసమర్థుడికి ఈ ఎలక్షన్స్ లో బుద్ధి చెప్పి తరిమికొడదాం అని పిలుపునిచ్చారు..

కాంగ్రెస్ పార్టీ అధికారంలోకి వచ్చిన తర్వాత ప్రతి పేదవాడికి ఇళ్లు కట్టిస్తాం, రైతులందరికీ రెండు లక్షల రూపాయల రుణమాఫీ చేస్తాం,కొత్త రేషన్ కార్డులు ఇస్తాం, రైతుల భూములకు రక్షణ కల్పించే విధంగా నూతన రెవెన్యూ వ్యవస్థను తీసుకొచ్చి కొత్త పాసు బుక్కులు ఇస్తామని హామీ ఇచ్చారు..

అనంతరం హన్మంత్ షిండే సొంత గ్రామం డోన్గావ్ లో ఎస్సీ కాలనీ నుండి తోట లక్ష్మీ కాంతారావు సమక్షంలో కాంగ్రెస్ పార్టీలో భారీ చేరికలు జరిగాయి…

ఎల్లారెడ్డి, నవంబర్ 21,(తెలంగాణ ఎక్స్ ప్రెస్):

అసెంబ్లీ ఎన్నికల సందర్భంగా వాహనాల తనిఖీలో భాగంగా, సోమవారం రాత్రి 10.30 గంటలకు ఎల్లారెడ్డి ఎక్సైజ్ సర్కిల్ పరిధిలోని గాంధారి మండల కేంద్రం నుంచి చద్మల్ వైపు వెళుతున్న టాటా మేజిక్ ఆటో ను తనిఖీ చేయగా అక్రమంగా తరలిస్తున్న 384 మద్యం బాటిళ్లు స్వాధీనం చేసుకోవడం జరిగిందని ఎల్లారెడ్డి ఎక్సైజ్ సీఐ ఎండి షాఖీర్ అహ్మద్ తెలిపారు. మంగళవారం ఎల్లారెడ్డి పట్టణంలోని ఎక్సైజ్ కార్యాలయం వద్ద పట్టుకున్న, ఆటోను, స్వాధీనం చేసుకున్న మద్యం బాటిళ్లు విలేఖరుల ముందు ప్రదర్శించారు. ఈ సందర్భంగా ఎక్సైజ్ సీఐ మాట్లాడుతూ, ఎన్నికల సందర్భంగా అక్రమ మద్యం రవాణ కాకుండా ఎల్లారెడ్డి ఎక్సైజ్ సిబ్బంది చే వాహనాల తనిఖీలు ముమ్మరం చేశామని, సోమవారం రాత్రి గాంధారి నుంచి చధ్మల్ వైపు వెళుతున్న టాటా మేజిక్ ఆటో నం టి ఎస్ 16 యుసి 2055 ను పట్టుకుని తనిఖీ చేయగా 8 మద్యం బాక్సుల ను తనిఖీ చేయగా 384 రాయల్ చాలెంజ్ (180 ఎం ఎల్ ) మధ్యం బాటిళ్లు గుర్తించి స్వాధీనం చేసుకోవడం జరిగిందని తెలిపారు. అలాగే ఆటో ను సీజ్ చేసి కేసు నమోదు చేసి , మద్యం తరలిస్తున్న నేరెల్ తాండా కు చెందిన కటేరియ రమేష్ ను అరెస్టు చేయడం జరిగింద న్నారు. పట్టుకున్న మద్యం బాటిళ్లు ,ఆటోతో కలిపి సుమారు 4,76,032 రూపాయల విలువ అని ఎక్సైజ్ సీఐ తెలిపారు. వాహనాల తనిఖీలు ఎల్లారెడ్డి ఎక్సైజ్ ఎస్ఐ ఎండి. జలీలొద్దిన్, సిబ్బంది హెడ్ కానిస్టేబుల్ కె భూపాల్, కానిస్టేబుల్స్ రవీందర్ రెడ్డి, సంజీవ్ గౌడ్, గోపాల్ తదితరులు పాల్గొన్నారు.

బిచ్కుంద నవంబర్ 21:-( తెలంగాణ ఎక్స్ ప్రెస్)

కామారెడ్డి జిల్లా బిచ్కుంద మండల కేంద్రంలో ఏసీబీ రైడ్స్ కలకలం రేపయి వివరాల్లోకి వెళ్లినట్లయితే ఏసిబి డిఎస్పి ఆనంద్ కుమార్ వెల్లడించిన వివరాల ప్రకారం బిచ్కుంద మండల కేంద్రంలో ఫర్టిలైజర్ షాప్ నిర్వహిస్తున్న గంగాధర్ అను వ్యక్తి ఇచ్చిన సమాచారం మేరకు అగ్రికల్చర్ ఆఫీసర్ పోచయ్య బిచ్కుంద లో ఉన్న ప్రతి ఫర్టిలైజర్ షాపుకు. సంవత్సరానికి 20వేల రూపాయలు మామూలు డిమాండ్ చేయగా ఒప్పందం మేరకు 18 వేల రూపాయలకు సదరు బాధితుడు గంగాధర్ ఒప్పందం కుదుర్చుకున్నారు మొదటి మిడతగా ఎనిమిది వేల రూపాయలు ఇవ్వగా మిగిలిన 10 వేల రూపాయలకు అగ్రికల్చర్ ఆఫీసర్ పోచయ్య ఒత్తిడి చేస్తున్నారని ఏసీబీని ఆశ్రయించడంతో పక్కా సమాచారం మేరకు దాడులు నిర్వహించామని ఏసీబీ డీఎస్పీ ఆనంద్ తెలియజేశారు ఈ కార్యక్రమంలో ఏసీబీసీఐ నాగేష్, ఏసీబీ సీఐ శ్రీనివాస్ మరియు ఏసిబి పాల్గొన్నారు

బోధన్ రూరల్, నవంబర్ 21:(తెలంగాణ ఎక్ష్ప్రెస్స్)
అన్నివర్గాల ప్రజలకు సంక్షేమ పథకాలు అందిస్తున్న ఎకైక సిఎం కేసిఆర్ అని జహీరాబాద్ ఎంపీ బిబి పాటిల్ అన్నారు.బోధన్,సా లూరా మండలంలోని హంగార్గ,కొప్పర్గ,
చిన్న మావంది, పెద్ద మావంది, బండారు పల్లి,హున్సా, ఖాజా పూర్, మందార్న,సాలురా,
సిద్దపూర్, ఖండ్ గావ్, బిక్నెల్లి, కల్దుర్కి గ్రామాలలో బోధన్ బిఆర్ ఎస్ ఎమ్మెల్యే అభ్యర్థి షకీల్ కు మద్దతుగా ఎన్నికల ప్రచారం నిర్వహించారు.సిఎం కేసిఆర్ అమలు చేసిన సంక్షేమ పథకాలు, అభివృద్ధి,పార్టీ మేనిఫెస్టో ను ప్రజలకు వివరించారు.గత పాలకుల 50 సంవత్సరాల పాలనలో జరగని అభివృద్ధి కేవలం 10 సంవత్సరాల బి ఆర్ఎస్ పాలనలో ఎంతో అభివృద్ధి జరిగిందని తెలిపారు. ప్రజల జీవితాల్లో వెలుగులు నింపుతున్న ఏకైక సీఎం కెసిఆర్ అని పేర్కొన్నారు.అభివృద్ధి,సంక్షేమ పథకాలు అందించిన బిఆర్ఎస్ ప్రభుత్వాన్ని మరోసారి దీవించి బోధన్ ఎమ్మెల్యేగా షకీల్ ను భారీ మెజార్టీతో గెలిపించాలని ప్రజలను కోరారు.ఈ కార్యక్రమంలో డిసిసిబి డైరెక్టర్ గీర్దావర్ గంగారెడ్డి,శరత్, ఎంపీపీ బుద్దే సావిత్రి రాజేశ్వర్, మార్కెట్ కమిటీ చైర్మన్ వీఆర్ దేశాయ్, వైస్ చైర్మన్ షకీల్, సర్పంచులు, ఎంపీటీసీలు, టిఆర్ఎస్ నాయకులు, కార్యకర్తలు పాల్గొన్నారు.

నిజాంసాగర్ నవంబర్ 21,( తెలంగాణ ఎక్స్ ప్రెస్):

జుక్కల్ నియోజకవర్గం డోన్ గాం గ్రామానికి చెందిన స్థానికుడైన నన్ను గెలిపించాలని బిఆర్ఎస్ ఎమ్మెల్యే అభ్యర్థి హన్మంత్ షిండే ఓటర్లను విజ్ఞప్తి చేశారు. మంగళవారం నిజాంసాగర్ మండలంలోని మల్లూర్,ఓడ్డే పల్లి,మాగి,బంజపల్లి,సుల్తాన్ నగర్ గ్రామాలలో ఎన్నికల ప్రచారం నిర్వహించారు.ఈ సందర్భంగా ఆయన మాట్లాడుతూ బిజెపి అభ్యర్థి అరుణతార నిజామాబాద్ కు చెందిన వారని, కాంగ్రెస్ పార్టీ అభ్యర్థి తోట లక్ష్మీకాంతరావు సంగారెడ్డి చెందిన వారిని తెలిపారు. నేను జుక్కల్ నియోజకవర్గం మీ బిడ్డను నన్ను ఆశీర్వదించి అసెంబ్లీకి పంపాలని కోరారు. ముఖ్యమంత్రి కేసీఆర్ ప్రభుత్వం అభివృద్ధి సంక్షేమ పథకాలు చాలా చేశారని బిఆర్ఎస్ పార్టీకి ఆశీర్వదించి కారు గుర్తుకు ఓటు వేసి అత్యధిక మెజార్టీతో గెలిపించాలని కోరారు. ముఖ్యమంత్రి కేసీఆర్ ప్రభుత్వం అధికారంలోకి రాగానే నిజాంసాగర్ ప్రాజెక్టును పర్యటన కేంద్రంగా తీర్చిదిద్దుతామని హామీ ఇచ్చారు. బంజపల్లి సుల్తాన్ నగర్ గ్రామాల ప్రజలకు ఉపాధి అవకాశాలు లభిస్తాయని అన్నారు. అన్నపూర్ణ పథకం కింద తెల్ల రేషన్ కార్డ్ దారులు అందరికీ సన్న బియ్యం అందజేస్తామన్నారు. సౌభాగ్య లక్ష్మి పథకం కింద మహిళలందరికీ మూడు వేల రూపాయలు ఆర్థిక సహాయం అందించడం జరుగుతుందన్నారు.రేషన్ కార్డుకు కలిగిన కుటుంబాలకు కేసిఆర్ బీమా ఐదు లక్షల రూపాయలు సౌకర్యం కల్పించడం జరుగుతుందన్నారు. ఎన్నికల ప్రచారంలో ఉమ్మడి జిల్లాల జడ్పీ మాజీ చైర్మన్,బిఆర్ఎస్ రాష్ట్ర నాయకులు దపేదర్ రాజు,ఎంపీ బిబిపాటిల్,
బిఆర్ఎస్ మండల సీనియర్ నాయకులు పట్లోల్ల దుర్గారెడ్డి,సిడిసి చైర్మన్ గంగారెడ్డి ,వైస్ ఎంపీపీ మనోహర్,సింగల్ విండో చైర్మన్ లు నర్సింహారెడ్డి, వాజిద్ అలీ,ఒంటరి కళ్యాణి విఠల్ రెడ్డి, మండల సర్పంచ్ ల ఫోరం అధ్యక్షులు రమేష్ గౌడ్, సర్పంచ్ లు అంజయ్య,ఖాసీం సాబ్, అమినాబి, మండల రైతు బంధు అధ్యక్షులు మహేందర్ కుమార్, నాయకులు యాటకారి నారాయణ, ఆనంద్ కుమార్, చాకలి రమేష్ కుమార్, పిట్ల సత్యనారాయణ, బంగ్లా ప్రవీణ్, సందీప్ కుమార్ అహ్మద్ హుస్సేన్, మేకల విజయ్ తదితరులు పాల్గొన్నారు

ఎల్లారెడ్డి, నవంబర్ 21,(తెలంగాణ ఎక్స్ ప్రెస్):

ఎల్లారెడ్డి మండల బిఆర్ఎస్ పార్టీ ఎంపిపి మాధవి బాల్ రాజ్ గౌడ్, మంగళవారం బిఆర్ఎస్ పార్టీనీ వీడి భర్త తో కలిసి కాంగ్రెస్ ఎమ్మెల్యే అభ్యర్థి కల్వకుంట్ల మదన్ మోహన్ రావు సమక్షంలో సొంత గూటికి కాంగ్రెస్ పార్టీలో చేరారు. ఈ సందర్భంగా మదన్ మోహన్ రావు ఆమెకు పార్టీ కండువా కప్పి కాంగ్రెస్ పార్టీ లో సాదరంగా ఆహ్వానించారు. ఎల్లారెడ్డి ఎంపిపి గా కాంగ్రెస్ పార్టీ తరపున గెలిచి ఎంపిపి పదవి బాధ్యతలు స్వీకరించారు. గత నాలుగేళ్ల కు పైగా ఉమ్మడి జిల్లాలోనే ఏకైక కాంగ్రెస్ పార్టీ ఎంపిపి గా కొనసాగిన మాధవి గౌడ్ , మే 28 న నియోజకవర్గం లోని లింగంపేట్ మండల కేంద్రంలో బిఅర్ఎస్ పార్టీ ఆత్మీయ సమ్మేళనంకు ముఖ్య అతిథిగా హాజరైన రాష్ట్ర ఆర్థిక శాఖ మంత్రి తన్నీరు హరీష్ రావు సమక్ష్యంలో బిఆర్ఎస్ పార్టీలో చేరారు. అధికార పార్టీ ఎమ్మెల్యే తో సఖ్యతగా నే ఉంటూ వారం రోజుల్లో ఎన్నికలు వుండగానే బిఆర్ఎస్ పార్టీకి భారీ షాక్ ఇచ్చి కాంగ్రెస్ పార్టీ స్వంత గూటికి తన అనుచరులతో కలిసి చేరారు. ఈ కార్యక్రమంలో కాంగ్రెస్ పార్టీ సీనియర్ నాయకులు సయ్యద్ ఆరీఫ్, నాయకులు బొండ్ల సాయులు, ఈశ్వర్ గౌడ్, బాల్ రాజ్ గౌడ్, నగేష్ తదితరులు ఉన్నారు.

బోధన్ రూరల్, నవంబర్ 21: (తెలంగాణ ఎక్స్ప్రెస్)
బోధన్ లో బిజెపి జెండా ఎగురవేస్తామని నిజామాబాద్ ఎంపీ ధర్మపురి అరవింద్ అన్నారు. బోధన్ పట్టణంలోని రమాకాంత్ ఫంక్షన్ హాల్లో జరిగిన యువబేరీ సంకల్ప సభలో ఆయన పాల్గొని మాట్లాడారు. నిజామాబాదులో 500 పడకల ఆసుపత్రి ని బీడీ కార్మికుల కోసం ఏర్పాటు చేస్తామన్నారు. గతంలో జిల్లాలో పసుపు బోర్డు ఏర్పాటు చేస్తామని ఇచ్చిన హామీని నెరవేర్చమన్నారు. బిజెపి అధికారంలోకి రాగానే ఎన్ఎస్ఎఫ్ ఫ్యాక్టరీని తిరిగి ప్రారంభిస్తామన్నారు. బోధన్ బిజెపి అభ్యర్థి మోహన్ రెడ్డిని భారీ మెజార్టీతో గెలిపించాలని కోరారు. ఈ కార్యక్రమంలో బిజెపి రాష్ట్ర కార్యవర్గ సభ్యులు మేడ పాటి ప్రకాష్ రెడ్డి, అడ్లూరి శ్రీనివాస్, జిల్లా కార్యదర్శి సుధాకర్ చారి, నరసింహారెడ్డి, అసెంబ్లీ కన్వీనర్ కూరెళ్ళ శ్రీధర్, బాలరాజు, ఇంద్రకరణ్, మనోహర్ ,గోనె ప్రవీణ్, నాయకులు, కార్యకర్తలు పాల్గొన్నారు.

ఎల్లారెడ్డి, నవంబర్ 21:-(తెలంగాణ ఎక్స్ ప్రెస్)ఎల్లారెడ్డి సెగ్మెంట్ లో బీఅర్ఎస్ పార్టీకి దెబ్బ మీద దెబ్బ పడుతుంది. నిన్న దక్షిణ కాశీగా పేరొందిన కాలభైరవ స్వామి ఆలయ చైర్మెన్ గుప్తా బీఆర్ ఎస్ వీడి కాంగ్రెస్ లో చేరారు. మంగళవారం ఎల్లారెడ్డి ఎంపీపీ మాధవి బీఆర్ఎస్ ను వీడి కాంగ్రెస్ లో  చేరారు.  పార్టీలో చేరిన ఎంపీపీకి ఆమె భర్త బాల్ రాజ్ గౌడ్ కు,  వారి అనుచరులకు  బీఆర్ఎస్ అభ్యర్థి మదన్ మోహన్  పార్టీ కండువాలు కప్పి పార్టీలోకి స్వాగతించారు.

హైదరాబాద్, నవంబర్ 21:-(తెలంగాణ ఎక్స్ ప్రెస్ స్టేట్ బ్యూరో)హైదరాబాద్ నగరంలో అత్యధికంగా 14 లెక్కింపు కేంద్రాలు ఏర్పాటు చేస్తున్నారు. కోట్ల విజయభాస్కర్ రెడ్డి స్టేడియంలో ఖైరతాబాద్, జూబ్లీహిల్స్ నియోజకవర్గాల ఓట్ల లెక్కింపు చేపట్టనుండగా, మిగిలిన 13 నియోజకవర్గాలకు విడిగా కేంద్రాలు ఏర్పాటు చేశారు. రంగారెడ్డి జిల్లాలో నాలుగు, మిగిలిన జిల్లాల్లో ఒక్కొటి చొప్పున ఓట్ల లెక్కింపు కేంద్రాలను ఏర్పాటు చేస్తున్నారు.

49కేంద్రాల వివ‌రాలు

ఓట్ల లెక్కింపు కేంద్రం, ఎస్సీ వెల్ఫేర్ గురుకుల కళాశాల, ఆసిఫాబాద్, మంచిర్యాల: చెన్నూరు-బెల్లంపల్లి-మంచిర్యాల అజీజియా ఇంజనీరింగ్ కళాశాల, మంచిర్యాల,
ఆదిలాబాద్: ఆదిలాబాద్, బోథ్ టెక్నికల్ ట్రైనింగ్, డెవలప్మెంట్ సెంటర్, ఆదిలాబాద్,
నిర్మల్: ఖానాపూర్, నిర్మల్, ముథోల్ ప్రభుత్వ పాలిటెక్నిక్ కళాశాల, నిర్మల్, నిజామాబాద్: ఆర్మూర్, బాన్స్ వాడ, నిజామాబాద్ అర్బన్, నిజామాబాద్ రూరల్,బాల్కొండ ప్రభుత్వ బాలుర పాలిటెక్నిక్,కళాశాల నిజామాబాద్,
నిజామాబాద్: బోధన్ ప్రభుత్వ బాలికల పాలిటెక్నిక్ కళాశాల కామారెడ్డి: జుక్కల్, ఎల్లారెడ్డి, కామారెడ్డి ఏఎంసీ గోడౌన్, కామారెడ్డి, జగిత్యాల: కోరుట్ల, జగిత్యాల, ధర్మపురి వీఆర్కే ఇంజనీరింగ్ కళాశాల, పెద్దపల్లి: రామగుండం, మంథని, పెద్దపల్లి జేఎన్టీయూ ఇంజనీరింగ్ కళాశాల.కరీంనగర్: కరీంనగర్, చొప్పదండి, మానకొండూరు, హుజూరాబాద్ ఎస్.ఆర్.ఆర్. ప్రభుత్వ కళాశాల, సిరిసిల్ల: వేములవాడ, సిరిసిల్ల ఎస్సీ వెల్ఫేర్ గురుకుల పాఠశాల, సంగారెడ్డి: నారాయణఖేడ్, ఆందోల్, జహీరాబాద్, సంగారెడ్డి, పటాన్ చెరు గీతం యూనివర్సిటీ,కళాశాల, మెదక్: మెదక్, నర్సాపూర్ వైపీఆర్ కాలేజ్ ఆఫ్ ఎడ్యుకేషన్, హవేలీఘనపూర్, సిద్దిపేట: హుస్నాబాద్, సిద్దిపేట, దుబ్బాక, గజ్వేల్ ఇందూర్ ఇనిస్టిట్యూట్ ఆఫ్ ఇంజనీరింగ్ అండ్ టెక్నాలజీ, రంగారెడ్డి: ఇబ్రహీంపట్నం, మహేశ్వరం, కల్వకుర్తి సి.వి.ఆర్. ఇంజనీరింగ్ కళాశాల, రంగారెడ్డి: ఎల్బీనగర్ సరూర్ నగర్ ఇండోర్ స్టేడియం, రంగారెడ్డి: రాజేంద్ర నగర్, చేవెళ్ల, షాద్ నగర్ లార్డ్స్ ఇంజనీరింగ్ కళాశాల, రాజేంద్రనగర్, రంగారెడ్డి: శేరిలింగంపల్లి బాలయోగి స్టేడియం, గచ్చిబౌలి, వికారాబాద్: పరిగి, వికారాబాద్, తాండూరు, కొడంగల్ ఏఎంసీ గోడౌన్, పరిగి, మేడ్చల్ మల్కాజ్ గిరి: మేడ్చల్, మల్కాజ్ గిరి, కుత్బుల్లాపూర్, కూకట్ పల్లి, ఉప్పల్ హోలీమేరి ఇంజనీరింగ్ కళాశాల, కీసర, హైదరాబాద్: ముషీరాబాద్ ఏవీ కళాశాల, దోమల్ గూడ, హైదరాబాద్: మలక్ పేట ఇండోర్ స్టేడియం, అంబర్ పేట, హైదరాబాద్: అంబర్ పేట: రెడ్డి ఉమెన్స్ కళాశాల, నారాయణగూడ, హైదరాబాద్: ఖైరతాబాద్, జూబ్లీహిల్స్ కోట్ల విజయభాస్కర్ రెడ్డి ఇండోర్ స్టేడియం, యూసుఫ్ గూడ, హైదరాబాద్: సనత్ నగర్ కాలేజ్ ఆఫ్ కామర్స్ అండ్ బిజినెస్ మేనేజ్ మెంట్, ఓయూ, హైదరాబాద్: నాంపల్లి జేఎన్టీయూ ఫైన్ ఆర్ట్స్, మాసబ్ ట్యాంక్, హైదరాబాద్: కార్వాన్ ప్రభుత్వ పాలిటెక్నిక్ కళాశాల, మాసబ్ ట్యాంక్, హైదరాబాద్: గోషామహల్ తెలంగాణ మహిళా విశ్వవిద్యాలయం, కోఠి , హైదరాబాద్: చార్మినార్ కమలానెహ్రూ పాలిటెక్నిక్ కళాశాల, నాంపల్లి, హైదరాబాద్: చాంద్రాయణగుట్ట నిజాం కళాశాల, బషీర్ బాగ్, హైదరాబాద్: యాకత్ పురా సరోజిని నాయుడు వనితా మహావిద్యాలయ, నాంపల్లి, హైదరాబాద్: బహదూర్ పురా అరోరా కళాశాల, బండ్లగూడ, హైదరాబాద్ సికింద్రాబాద్ డిస్టెన్స్ ఎడ్యుకేషన్ సెంటర్, ఓయూ, హైదరాబాద్ కంటోన్మెంట్ వెస్లీ కళాశాల, సికింద్రాబాద్, నారాయణపేట: నారాయణపేట, మక్తల్ శ్రీదత్త బృందావన్ ఇనిస్టిట్యూట్, సింగారం, మహబూబ్ నగర్: మహబూబ్ నగర్, జడ్చర్ల, దేవరకద్ర జయప్రకాశ్ నారాయణ ఇంజనీరింగ్ కళాశాల, మహబూబ్ నగర్, 37. నాగర్ కర్నూల్: నాగర్ కర్నూల్, అచ్చంపేట, కొల్లాపూర్ ఏఎంసీ గోడౌన్, నాగర్ కర్నూల్, వనపర్తి: వనపర్తి ఏఎంసీ గోడౌన్, చిట్యాల , జోగులాంబ గద్వాల: గద్వాల, అలంపూర్ ప్రభుత్వ పాలిటెక్నిక్, గద్వాల, నల్గొండ: దేవరకొండ, నాగార్జున్ సాగర్, మిర్యాలగూడ, నల్గొండ, మునుగోడు, నకిరేకల్ వేర్ హౌసింగ్ కార్పోరేషన్ గోడౌన్స్, దుప్పలపల్లి , సూర్యాపేట: హుజూర్ నగర్, కోదాడ, సూర్యాపేట, తుంగుతుర్తి ఏఎంసీ గోడౌన్, సూర్యాపేట,యాదాద్రి భువనగిరి: భువనగిరి, ఆలేరు ఆరోరా అకాడమీ, రాయిగిరి, జనగాం: జనగాం, స్టేషన్ ఘన్ పూర్, పాలకుర్తి విద్యాభారతి ఇనిస్టిట్యూట్, పెంబర్తి, మహబూబాబాద్: డోర్నకల్, మహబూబాబాద్ ఎస్సీ బాలికల గురుకుల కళాశాల, మహబూబాబాద్, వరంగల్: నర్సంపేట, వరంగల్ తూర్పు, వరంగల్ పశ్చిమ, పరకాల, వర్ధన్నపేట ఏఎంసీ గోడౌన్, ఎనుమాముల, జయ శంకర భూపాలపల్లి: భూపాలపల్లి సీఈఆర్ క్లబ్, భూపాలపల్లి, ములుగు: ములుగు జిల్లా కలెక్టర్ కార్యాలయం, ములుగు,భద్రాద్రి కొత్తగూడెం: పినపాక, ఇల్లందు, కొత్తగూడెం, అశ్వరావుపేట, భద్రాచలం అనుబోస్ ఇనిస్టిట్యూట్, పాల్వంచ, ఖమ్మం: ఖమ్మం, పాలేరు, మధిర, వైరా, సత్తుపల్లి శ్రీచైతన్య కళాశాల, పొన్నేకల్ లుగా లెక్కింపు కేంద్రాల‌ను ఏర్పాటు చేశారు.

ఎల్లారెడ్డి, నవంబర్ 21:-(తెలంగాణ ఎక్స్ ప్రెస్)సీఈఐఆర్ పోర్టల్ ద్వారా పోయిన మొబైల్ ఫోన్ ను గుర్తించి ఫిర్యాదు దారునికి అందజేసినట్లు ఎస్ఐ గణేష్ తెలిపారు.మంగళవారం  ఎస్ఐ మీడియాతో మాట్లాడుతూ,  ఎల్లారెడ్డికి చెందిన మైలారం బాల్ రాజ్ మొబైల్ ఫోన్ శివనగర్ లో పోయిందని ఫిర్యాదు చేయడంతో,  సీఈఐఆర్ పోర్టల్ ద్వారా గుర్తించి ఫిర్యాదుదారునికి పిలిచి అప్పగించామన్నారు.