తెలంగాణ రెండో ముఖ్య మంత్రిగా రేవంత్ రెడ్డి గురువారం మధ్యాహ్నం ప్రమాణ స్వీకారం చేశారు.
హుస్నాబాద్ శాసన సభ్యులుగా గెలుపొంది బీసీ సంక్షేమ శాఖ మంత్రిగా పొన్నం ప్రభాకర్ ప్రమాణస్వీకారం
సైదాపూర్ డిసెంబర్ 7
(తెలంగాణ ఎక్స్ ప్రెస్ )
హైదరాబాద్‌లోని ఎల్బీ స్టేడియంలో రేవంత్‌తో గవర్నర్‌ తమిళిసై ప్రమాణం చేయించారు. అనంతరం పుష్పగుచ్చం ఇచ్చి శుభాకాంక్షలు తెలిపారు.
అంతకుముందు జూబ్లీ హిల్స్‌ పెద్దమ్మతల్లి గుడికి కుటుంబ సమేతంగా వెళ్లిన రేవంత్ రెడ్డి.. అమ్మవారికి ప్రత్యేక పూజలు చేశారు. అనంతరం ఎల్బీ స్టేడి యానికి చేరుకున్నారు.
మర్గమధ్యలో గన్‌పార్క్‌ వద్ద అమరవీరుల స్తూపానికి నివా ళులర్పించారు.ఉప ముఖ్యమంత్రిగా మధిర ఎమ్మెల్యే మల్లు భట్టి విక్రమార్క ప్రమాణం చేయనున్నారు.
మంత్రులుగా ఉత్తమ్‌ కుమార్‌ రెడ్డి, కోమటిరెడ్డి వెంకట్‌రెడ్డి, తుమ్మల నాగేశ్వరరావు, పొంగులేటి సుధాకర్‌ రెడ్డి, జూపల్లి కృష్ణారావు, కొండా సురేఖ, సీతక్క, దామోదర రాజనర్సింహా, సుదర్శన్‌ రెడ్డి, పొన్నం ప్రభాకర్, శ్రీధర్‌బాబు చేత మంత్రులుగా గవర్నర్‌ ప్రమాణం చేయిస్తారు.
ఈ కార్యక్రమానికి కాంగ్రెస్ అధ్యక్షుడు మల్లికార్జున ఖర్గే, పార్టీ సీనియర్‌ నేతలు సోనియా గాంధీ, రాహుల్‌ గాంధీ, ప్రియాంక వాద్రా పాల్గొన్నారు.
వీరితోపాటు హిమాచల్‌ప్రదేశ్‌ ముఖ్యమంత్రి సుక్విందర్‌ సుఖు, తాజా మాజీ ఎమ్మెల్యేలు, ఎంపీలు, ప్రభుత్వ ప్రధాన కార్యదర్శి శాంతికుమారి, డీజీపీ రవి గుప్తా, ప్రభుత్వ ఉన్నతాధికారులు ఎమ్మెల్యేలు మాజీ మంత్రులు జిల్లా పరిషత్ అధ్యక్షులు మండల పార్టీ అధ్యక్షులు కార్యకర్తలు సర్పంచులు ఎంపీటీసీలు మహిళలు కాంగ్రెస్ అభిమానులు కార్యకర్తలు నిరుద్యోగులు యువకులు మహిళలు కార్యకర్తలు హాజరయ్యారు.
